【芝櫻✤櫻花】5月北海道の9天賞櫻自駕之旅 滝上公園芝櫻 上湧別鬱金香公園 紋別
Photo of the day
今日開始我地呢個trip既重頭行程啦!! 幾日前睇過櫻花, 今日開始可以欣賞芝櫻啦!! 我地由旭川出發開車北上, 先到滝上公園, 駕駛時間大約 2個小時. 之前睇過佢地官網 check過芝櫻祭開催日期為5月9日至6月7日. 既然我地北上既時候會經過 滝上公園, 就不如去碰下運氣, 睇下芝櫻開花情況. 落車後, 已經見到一片粉紅色, 都唔錯呀!! 因為未到芝櫻開催日, 所以可以免費入場.
芝櫻只有5分開, 見到我已經好開心啦!!
芝櫻就好似粉紅色地毯蓋著整個山坡
以往芝櫻真係冇咁早開花, 大約5月尾先到滿開.
不過今年北海道天氣比前幾年熱, 所以今年花期提早左差唔多兩個星期呢.
通常芝櫻祭開催日, 花只有3分開, 但以我今日去既情況, 芝櫻已經有5分開啦!! 真係好彩!! 我好期待幾日後去東藻琴芝櫻公園睇芝櫻, 我估應該花會開得咁多.
由山坡望落去, 見到滝上町
走既時候吃杯芝櫻雪糕先, 其實芝櫻味道唔係太食得出, 只係食到好香既奶味.
由滝上公園到上湧別鬱金香公園, 駕駛時間1個小時左右.
去上湧別鬱金香公園前, 會經過紋別, 所以我地又到此一遊影左個蟹鉗, 呢個係 紋別好出名既地標. 如果冬天來的話, 岸邊會有流冰.
影完相, 諗住係紋別食埋lunch先再駕車到上湧別鬱金香公園, 找過tabelog後知道呢度冇咩好食, 不過也要選一間去吃便算. 最後到了Oashisu (オアシス). 呢間係一間好地道日本飯堂開餐. 估唔到下午1:30都仲有人, 而且豬扒丼同埋天婦羅蝦烏冬都煮得唔錯呵.
雖然今次去富良野見唔到好壯觀既花海, 不過今日行程已經可以滿足到我睇花海呢個願望. 上湧別鬱金香公園入院費500yen.
入門位置見到荷蘭木屐
再行入去不得了, 真係好多花. 而且今日冇咩人, 可以好好行下.
好大好多既花, 呢度種植了120萬枝鬱金香
園內由於太大, 仲有架觀光小巴士可以坐呢!!
如果你問我, 5月冇Lavender, 去北海道會唔會冇野睇. 我自己覺得又唔會, 起碼睇到芝櫻, 櫻花及鬱金香, 其實已經係唔錯既選擇啦!! 而且唔駛同人迫花海, 我覺得係好舒服既一件事. 夏天同秋天既北海道係靚, 估唔到5月既北海道, 有著濃厚既春天感覺,
芝櫻---> 好靚, 靚到好似假咁
回覆刪除之後去那個公園睇芝櫻仲勁呀！
刪除係? 等你出POST!!!!!
刪除努力中....
刪除你地好lucky呀! 又睇到櫻花, 又睇到芝櫻, 仲要睇埋鬱金香...五月去北海道真係唔錯喎!
回覆刪除考慮下去啦!! 北海道四季都靚架!!
刪除