【ICELAND ☼ 冰與火之旅】龍蝦餐 Kaffi Hornið Höfn, 金字塔神山 Djúpivogur

上午12:36:00 Ishiha 8 Comments

Photo of the day

玩完冰河湖已經晚上七點了, 四周環境開始有煙霞出沒.

今晚玩得咁盡興, 大家決定休息一晚唔煮飯, 去食返個龍蝦餐先. 去到冰島都改唔到我呢個搵好0野食既習慣

出發前上網search過那裡吃龍蝦餐最好味, 知道有兩間吃龍蝦餐比較出名既都係Höfn, 我都唔理要揸幾耐車, 總之要去試下啦!! Höfn係冰島係一個出名既龍蝦小鎮, 除了Kaffi Hornið 以外, 仲有一間 Humarhofnin 都好出名. 由冰河湖揸車去Höfn大約一個小時. 去到已經天黑啦!! 加上大家都肚餓, 所以去了較為就腳既Kaffi Hornið.

來到剛好是1945, 去到餐廳經已滿座. 好好彩我地都係等左5分鐘就位啦!! 估唔到係冰島, 夜生活唔多既地方, 最見得多人既地方就係龍蝦餐廳啦!! 一坐低Waiter問我地飲咩. 既然今日超額完成, 當然大家要啤一啤!! 每人點了枝Beer. 之後睇睇餐牌, 大家點菜都以龍蝦為主. 餐廳內有提供免費Wifi, 不過只限30分鐘.

Kaffi Hornið 內提供既Beer都有幾款, 我地大家點左唔同款試, 味道都唔錯呵.

飲左一陣, 主菜還未到呢!! 其實係冰島食飯, 真係要比少少耐性. 上菜既速度呢, 就真係慢過

. 好彩有免費Wifi打發下時間, 仲可以打下卡同親愛既朋友傾下計呢!! 主菜終於上枱啦!! 先到的是烤小龍蝦, 配有麵包及蔬菜. 一碟烤龍蝦有十多隻, 雖然小龍蝦也算新鮮, 但味道唔太突出. 跟我地前晚吃既小龍蝦類同, 不過呢個係烤囉.

另外我地想吃羊. 反而呢個有點驚喜, 味道唔錯, 肉質鮮嫩.

既然來到 Höfn這個出名既海鮮小鎮, 大家也想吃魚. 呢個算唔錯, 不過份量比較小.

最估唔到既龍蝦湯, 竟然變左後上

. 呢個湯份量就真係超大, 又係附上麵包. 湯的確有點鹹 (冰島的湯都很鹹), 龍蝦味道尚算濃郁. 加埋麵包吃會比較好. 我飲完碗湯已經飽哂!!

埋單大約28000 ISK, 大約HK$1700多4個人. 以冰島既物價指數來講, 呢餐唔算貴啦!! 食飽後, 我要揸兩個小時車去今晚既住宿. 點解會揀住咁遠呢?? 有兩個大原因. 第一唔想明天揸車太辛苦, 寧願今晚揸左一半路程, 明天去米湖那段車程可以短D. 第二個原因係我要避行939呢條公路 (即下圖左邊紅圈位置), 而我今晚既住宿係Ring Road一號公路上, 唔會怕天黑被GPS帶左入去行939. 939公路有好多人都講過佢係有幾超難度, 唔只路窄, 而且路全是山崖邊. 行行下想調頭都唔駛點諗啦!! 如果唔好天, 危險指數也會相計提升. 聽完都驚, 何妨我更要摸黑駕駛呢!!

食完飯再開車趕路, 加上晚上係冰島開車, 係直路還好. 如果睇返上面張圖, 就知呢兩個鐘頭車程全部都係九曲十三彎. 開車最怕呢D. 呢段路係日頭開, 應該好靚!! 而我係夜晚開車, 整段路沒有街燈, 車又唔多架既情況下, 真係揸到人都顛. 一路上只係不停聽到海浪聲, 係全黑既環境下, 車上既乘客全部也進入半夢半醒狀態. 我有兩次仲見到白狐狸閃過馬路, 真係被佢地嚇親. 所以建議係冰島晚上開車要份外小心.

好好彩, 順利於夜晚10:45到達Berunes Hostel. Hostel 主人很好, 見我地有車停於門口, 便第一時間出來接待我地. 因為已經夜深, 進入房間內也要保持安靜. 太夜到達既關係, 我地快快沖埋涼就休息啦!! 我實在太倦, 連呢度有幾靚都睇唔到. 所以係網上找到呢張相.

(Source: http://tjalda.is/en/berunes/)

第二日起身, 大家係廚房內預備早餐, 我地一面嘆早餐, 一面望住出面咁靚既海景. 如果昨晚早點到就好啦!! 可以係出面海邊行下影下相. 最可惡那個龍蝦餐快食也要吃上一個半鐘

. 搞到今早起身大家都有點疲累.

離開前, 我地見到Hostel外好靚, 仲見到好出名既金字塔神山, 快快停低車影相.

要叫到金字塔神山也要講彩數, 天氣唔好, 點望都見唔到座山.

一大舊污雲又飄到啦!! 襯天色還好, 繼續開車北上.

由Djupivogur開車到Egilsstadir, 沿路好靚, 特別係呢段山路.

見到呢段山路, 便開始向北駛向Egilsstadir. 我地會於Egilsstadir作中途站休息. 呢段路依然係一號公路, 不過路面上全是沙石路.

從山上高處望返落去平原, 超靚呀!!

雖然冇避車處, 見到咁靚又冇車駛過, 大家都落哂車影相. 吉少仲係度做唔高難度既Yoga呢!!

路上咁荒涼, 我地又見到羊經過, 有隻仲落埋水. 估唔到呢隻羊仲識望鏡頭, 哈哈!!

行程規劃可以

睇多d.

【ICELAND ☼ 冰與火之旅】冰島行程規劃租車自駕

8 意見:

【ICELAND ☼ 冰與火之旅】Fjallsarlon Glacier Lagoon 冰河湖 Jökulsárlón Lagoon

下午9:52:00 Ishiha 9 Comments

Photo of the day

完成了3.5小時冰川健行之後, 我地要離開Vatnajökull glacier, 臨走前係巴士上影回整個Vatnajökull glacier.

可惜今次太趕, 我地連午餐都係車內搞掂. 未能有機會去埋Skaftafell National Park 內既玄武岩瀑布－Svartifoss ( 下圖取自網絡

) Blog內相片真係影得好靚, 有興趣不妨去睇睇.

(Image Source: http://international-photographer.com/roadtrips/iceland-2009/day-6.htm)

之後我地出發去另一個亮點, 呢個地方更是呢個旅程內既重點行程. 由Skaftafell National Park向東開車40分鐘先到較小既冰河湖Fjallsarlon Glacier Lagoon. 呢個Fjallsarlon Glacier Lagoon面積較細, 不過遊客相對較少. 另一個係距離Fjallsarlon Glacier Lagoon只有10分鐘車程既Jökulsárlón Lagoon, 座落於1號公路旁, 絕對唔會錯過, 所以遊客會多.

我地先到了Fjallsarlon Glacier Lagoon, 呢個冰口湖入口較難找, 指標細到睇唔到不在話下, 而且唔係1號公路上, 揸車快就好易miss左個路口. 好好彩我前面架車都係去呢度. 我Capture呢張圖給大家參考吧!! 個路牌真係細到見唔到寫咩.

Fjallsárlón 也是Vatnajökull glacier一部分, 與 Jökulsárlón 唔同既係Jökulsárlón 浮冰係可以直出海口, 而 Fjallsárlón 地處比較偏既內陸地方 (距離大海約 6km), 只有一條小河流流向海口.

係咁好天氣下, 影冰河湖都靚D. 仲可以影到浮冰既倒影呢!

Fjallsárlón 面積只有 4 平方公里, 係Jökulsárlón Lagoon 的四分之一. 雖然 Fjallsárlón 係細, 但距離近好多.

我地係度影相停留左好耐呢!! 冰河湖後面就係Vatnajökull glacier, 冰川一層層湧出來, 好有氣勢

遊冰河湖有兩種Tour可以參加, 大家可選擇坐船出去參觀又或是坐橡皮艇 Zodiac, 比起坐普通船出去, 橡皮艇更能靠近大型的冰塊. 兩個Glacier Lagoon都有橡皮艇及船Tour, 所以我係出發前去信詢問兩間Glacier Lagoon公司有關當日既Boat Tours安排. 一心諗住想坐橡皮艇 Zodiac, 可惜兩間都冇Tour出發

這次跟冰河湖的橡皮艇 Tour 完全無緣, 留待下一次機會吧!! 我估湖面太多冰的關係, 開橡皮艇會冇咁安全啩.

係出發前建議先問問當地兩間Glacier Lagoon公司Tour安排及時間, 以下係兩間公司既Information.

1. Fjallsárlón Glacier Lagoon Boat Tours http://fjallsarlon.is/

2. Jökulsárlón Lagoon Boat Tours http://icelagoon.is/tours/

玩完一輪, 我地去埋另一個冰河湖 Jökulsárlón Lagoon. 呢個真係大好多. 出船出去冰河湖一日有好多個團出發, 所以我都係去到先買飛. 好彩趕得到最尾那團. 我地係等侯期間去左冰河湖邊影相.

D浮冰隨風及水流向前飄, 飄到出海口. 浮冰有大有小, 而且速度唔慢. 看見咁多浮冰見到既開心又心痛, 真係好多架.

係湖邊會見到冰粒拾起, 原來Size都幾大呵.

差唔多係時間參加Boat Tour

我地上船後每人要穿上救生衣.

出海啦!! 坐Boat Trip出海時都幾大風, 建議穿厚d比較理想

好大舊既浮冰呢!! 係海面見到既只是冰山一角. 湖下面有更大既浮冰. 整個Trip船員會講解冰河湖既形成, 而且湖內有魚呢!! 本來就係想坐呢隻橡皮艇, 好可惜冇機會!! 呢家見到工作人員坐係橡皮艇上, 其實係拾左兩舊冰交比船員作講解.

船員收到兩舊冰之後, 叫大家睇下邊舊係屬於冰川既浮冰或是海上既冰. 答案係冰川出來既浮冰係冇氣泡, 所以好容易分別到. 船員仲鋤碎冰川浮冰給大家試用.

之後船員再叫大家估呢舊冰有幾多歲, 答中有獎, 獎品就係送呢舊冰啦!! 你睇下我, 我咪係答中左, 船員將成舊冰送左比我慢慢嘆囉.

玩完一輪就係湖面轉個圈就走啦!!

整個Boat Tour大約40分鐘, 遊 Jökulsárlón Lagoon係今日最後既行程.

近黃昏天色紅紅黃黃, 加上冰河湖上既藍白色, 整個畫面真係靚. 臨走前影左呢張相就要趕著離開啦!!

行程規劃可以

睇多d.

【ICELAND ☼ 冰與火之旅】冰島行程規劃租車自駕

9 意見:

【ICELAND ☼ 冰與火之旅】冰川健行 Vatnajökull glacier Skaftafell National Park

上午12:40:00 Ishiha 8 Comments

Photo of the day

晚餐後本想早點休息, 再起身睇極光. 一心諗住揀係kirkjubaejarklaustur住其一係近冰川, 二係喜歡佢無光害, 可以抬頭睇極光. 不過冇用啦!! 睇過http://www.northernlightsiceland.com/northern-lights-forecast/ 極光指數Predictor後, 有Level 3-4, 屬Moderate, 奈何昨晚係Super Moon Day, 個月光真係好大. 係咁光既環境下, 加上整天也在下雨雲又厚, 都唔會有機會睇到啦!! 不如大家決定早d訓, 好好預備明天既行程算吧!!

今早起身看見好靚既日出呢!! 見到太陽有希望啦!! 今日行程係整個Trip既重點. 因為今日要到冰川健行. 早餐當然要食多d, 行冰川要幾個鐘呢!!

來到冰島, 我地都認為應該要試下三文魚!! 昨日我地係超市買左一條三文魚作為今日既早餐, 煎一煎好好味!! 加埋每日早餐必要有既麵包, 就已經成就了一餐豐富又有營養既早餐啦. 係Supermarket內成日都見到唔同味道既麵包醬, 我地都有團購唔少. 除左前一個post提過既三文魚子醬外, 係冰島買到既麵包醬可以有蝦, 龍蝦, Garlic, 菌類, 蟹, 可以講款式及口味亦不少. 另外要推介食熱狗時用既mustard以及酸青瓜, 簡直係又平又好食呢!! 我地呢個Trip都食左兩大樽酸青瓜.

食過豐富既早餐, 又係時候出發啦!! 我地參加了11:00開始既冰川健行, 不過見咁好天就早少少出發, 去周邊影相都好. 由我地住宿開大約45mins車程就可以到Skaftafell National Park.

沿著一號公路開車往東行, 途經風景好靚.

開車不久會經過呢個小瀑布Foss á síðu. 雖然Foss á síðu瀑布唔出名, 不過真係靚, 所以影出來張相靚到好似Postcard一樣!!

愈接近冰川, 天氣又開始變差啦!!

不過眼前既冰川真係好巨大好吸引, 係咁興奮既心情下, 我地想近距離看看, 再好d就想親親冰川, 於是我嘗試off road駕駛.

望落去好似好近既冰川, 我竟然開左20分鐘都未到, 加上路面全部都係石頭. 為左安全及準時到達參加冰川健行, 所以我地都冇硬開車入內. 咁我地都近少少影左呢張冰川相就調頭上返一號公路.

到達 Skaftafell National Park 之前, 無端端會見到一條鐵係馬路邊.

呢條鐵原為一條鐵橋 - Gigjukvisl Bridge. 1996年時冰島火山爆發時被熔岩所熔化的冰河急流沖毀. 為了提醒冰島居民火山既危機性, 所以這個鐵橋剩下的部份仍然保留, 而且更成為了一個景點.

鐵橋後面係Vatnajökull 冰原延伸出來既其中兩條冰河, 分別是Falljökull 與及Virkisjökull 冰河.

進入 Skaftafell National Park既公路雖為998. 之前都有提過公路有3位數字理應路況最差. 但係開到 Visitor Center 與冰河健行辦公室的道路係平坦既油柏路, 所以大家可以放心.

要參加冰川健行先要於Skaftafell National Park前面的冰川健行Office內報名登記. 之前我係出發前睇過兩間唔同既冰河健行公司Glacier Guides及Icelandic Mountain Guides 既資料. 對比過相方既出團時間及長度, 以我揀既初級 Glacier Wonder為例, Glacier Guides 舉辦既團要 3.5 hrs; 而另一間 Icelandic Mountain Guides 就只有 2.5-3 hrs. 所以冰川健行所寫既時間3.5hrs係包括了出發後穿冰爪﹑ 步行到冰河處(約20分鐘)以在上冰河的時間. 所以實際係冰河的時間並非3.5hrs.

既然大家一場來到就想行耐d. 最後我就揀左長少少既Glacier Guides啦!! 另外要提提大家Tours時間係出發時間, 所以冰川健行公司係會要求旅客提早最少15分鐘到達.