【ICELAND ☼ 冰與火之旅】冰川健行 Vatnajökull glacier Skaftafell National Park
Photo of the day
晚餐後本想早點休息, 再起身睇極光. 一心諗住揀係kirkjubaejarklaustur住其一係近冰川, 二係喜歡佢無光害, 可以抬頭睇極光. 不過冇用啦!! 睇過http://www.northernlightsiceland.com/northern-lights-forecast/ 極光指數Predictor後, 有Level 3-4, 屬Moderate, 奈何昨晚係Super Moon Day, 個月光真係好大. 係咁光既環境下, 加上整天也在下雨雲又厚, 都唔會有機會睇到啦!! 不如大家決定早d訓, 好好預備明天既行程算吧!!
呢條鐵原為一條鐵橋 - Gigjukvisl Bridge. 1996年時冰島火山爆發時被熔岩所熔化的冰河急流沖毀. 為了提醒冰島居民火山既危機性, 所以這個鐵橋剩下的部份仍然保留, 而且更成為了一個景點.
要參加冰川健行先要於Skaftafell National Park前面的冰川健行Office內報名登記. 之前我係出發前睇過兩間唔同既冰河健行公司Glacier Guides及Icelandic Mountain Guides 既資料. 對比過相方既出團時間及長度, 以我揀既初級 Glacier Wonder為例, Glacier Guides 舉辦既團要 3.5 hrs; 而另一間 Icelandic Mountain Guides 就只有 2.5-3 hrs. 所以冰川健行所寫既時間3.5hrs係包括了出發後穿冰爪﹑ 步行到冰河處(約20分鐘)以在上冰河的時間. 所以實際係冰河的時間並非3.5hrs.
既然大家一場來到就想行耐d. 最後我就揀左長少少既Glacier Guides啦!! 另外要提提大家Tours時間係出發時間, 所以冰川健行公司係會要求旅客提早最少15分鐘到達.
今早起身看見好靚既日出呢!! 見到太陽有希望啦!! 今日行程係整個Trip既重點. 因為今日要到冰川健行. 早餐當然要食多d, 行冰川要幾個鐘呢!!
來到冰島, 我地都認為應該要試下三文魚!! 昨日我地係超市買左一條三文魚作為今日既早餐, 煎一煎好好味!! 加埋每日早餐必要有既麵包, 就已經成就了一餐豐富又有營養既早餐啦. 係Supermarket內成日都見到唔同味道既麵包醬, 我地都有團購唔少. 除左前一個post提過既三文魚子醬外, 係冰島買到既麵包醬可以有蝦, 龍蝦, Garlic, 菌類, 蟹, 可以講款式及口味亦不少. 另外要推介食熱狗時用既mustard以及酸青瓜, 簡直係又平又好食呢!! 我地呢個Trip都食左兩大樽酸青瓜.
食過豐富既早餐, 又係時候出發啦!! 我地參加了11:00開始既冰川健行, 不過見咁好天就早少少出發, 去周邊影相都好. 由我地住宿開大約45mins車程就可以到Skaftafell National Park. 
沿著一號公路開車往東行, 途經風景好靚.
開車不久會經過呢個小瀑布Foss á síðu. 雖然Foss á síðu瀑布唔出名, 不過真係靚, 所以影出來張相靚到好似Postcard一樣!!
愈接近冰川, 天氣又開始變差啦!!
不過眼前既冰川真係好巨大好吸引, 係咁興奮既心情下, 我地想近距離看看, 再好d就想親親冰川, 於是我嘗試off road駕駛.
望落去好似好近既冰川, 我竟然開左20分鐘都未到, 加上路面全部都係石頭. 為左安全及準時到達參加冰川健行, 所以我地都冇硬開車入內. 咁我地都近少少影左呢張冰川相就調頭上返一號公路.
到達 Skaftafell National Park 之前, 無端端會見到一條鐵係馬路邊.
鐵橋後面係Vatnajökull 冰原延伸出來既其中兩條冰河, 分別是Falljökull 與及Virkisjökull 冰河.
進入 Skaftafell National Park既公路雖為998. 之前都有提過公路有3位數字理應路況最差. 但係開到 Visitor Center 與冰河健行辦公室的道路係平坦既油柏路, 所以大家可以放心.
既然大家一場來到就想行耐d. 最後我就揀左長少少既Glacier Guides啦!! 另外要提提大家Tours時間係出發時間, 所以冰川健行公司係會要求旅客提早最少15分鐘到達.
Glacier Guides冰川健行Office內有哂唔同鞋碼, 出發前職員會幫你Check你穿既鞋是否合適. 如果唔合適, 佢地係可以有鞋租借的. Office內還有熱飲供應, 天氣凍有杯熱飲提供真係超窩心.
出發前, 冰川導遊會為大家試鞋爪及預備冰鋤
準備出發啦!! 我地會先乘搭巴士到冰川附近
去既時候係初秋, 所以冰川入口處前既土地也是五顏六色, 好靚!!
落車後要行大約20分鐘先到冰川入口
冰川就在眼前啦!! 據導遊講冰川會向前走, 之前冰川前泥地部份全部也是冰川, 後因地球天氣暖化, 冰川溶化非常快.
未上冰川時還見到冰洞呢!! 不過係溶化中既冰洞, 所以唔會帶我地入去了. 冰洞通常係冬季形成, 所以每年只有11月-3月才有Ice Cave Tour入內. 可惜唔係冬天來啦. 如果唔係我一定參加Ice Cave Tour.
到了冰川入口啦!! 導遊先示範及教我地上冰爪. 上好後大家要行上冰川啦!!
其間導遊教大家如何使用冰鋤. 除左行上冰川時可以當拐杖外, 仲可以利用尖峰來敲打地上的冰飲用.
見到好清好藍既冰及水, 冰川上間唔時見到呢d急流, 導遊提點我地要小心, 因為急流水急, 行既時候唔好行入去, 萬一跌入去唔知有幾深幾大, 唔會爬返到上來.
導遊叫我地係呢條水溝內裝水試飲, 冰川水果然既冰涼又清甜.
我前右方既山腳泥色部份, 就係數十年前冰川既位置及高度, 顯示冰川正以驚人的速度消失中. 睇到都有點心寒, 人類對大自然既破壞真係強.
導遊係冰川上見到什麼也會講解, 就好似手上呢個, 佢稱之為冰川老鼠. 冰川生物一種, 生物體上表面被綠色青苔包著.
冰川上一般有好多火山灰同泥, 但昨日既大雨, 冰川被雨水洗淨後比平日更見乾淨.
我地係冰上既時間唔算短, 但未可以再上到再高既冰川上.
不過今次冰川行係天氣好既情況下進行, 真係難得. 而且上到去冰川整個人唔會覺得凍, 所以建設唔好穿太厚上冰川, 要穿也揀可以除到既外衣就可以了.
臨離開冰川前, 見到另一團既導遊游繩落冰隧道
行程規劃可以 
睇多d.
睇多d.
好正呀!如果冰川再厚D仲好囉~~ 咁夏天去冰島好定冬天先去好呢? 夏天去會唔會睇唔到極光架?
回覆刪除經過夏天後冰川都溶左不少。 夏天去天氣好，不過睇唔到極光，因為日長夜短。 冬天天氣比較差，要應付惡劣環境都係一個challenge
刪除風景真係好靚呀~~~~~~~~~~~~
回覆刪除小瀑布Foss á síðu 好特別WOW
冰川入口處前五顏六色又係好靚....!!
冰川行真係一個好好個體驗!
九月既冰島依然好吸引，無論景色及天氣都唔錯。有機會我會係唔同季節去玩同感受一下
刪除你之前有揸過左軚車架? 我見有D人話冰島D路好難行, 要揸四驅車? 好想去試下自駕, 又驚自己個雪藏牌搞唔掂...如果有人一齊去揸就好囉...
回覆刪除有呀！我係歐洲旅行自駕會遇到左軚車。我覺得係冰島揸車唔行off road，或大number公路，就沒有太大問題。 不過一個人揸車好似我咁，其實幾辛苦，最好有幾個人識揸。雪藏牌可能要補返鐘，路上面遇到問題起碼識應變。
刪除見到妳揸車嘅英姿 ^.*
回覆刪除我唔放心老公揸, 所以我都係司機, 喺冰島揸車, 除咗惡劣天氣嘅時候, 大部份時間都好enjoy, 懷念^^
冰川老鼠, 大開眼界
如果有係香港揸車去到冰島應該冇咩問題, 既然要擔心, 就不如自己揸吧. 其中一程我係被GPS點左去行水路間河.
刪除