【ICELAND ☼ 冰與火之旅】The Golden Circle 金圈之旅 Þingvellir National Park, Geysir, Gullfoss

下午11:14:00 Ishiha 10 Comments

Photo of the day

要數冰島旅遊最有名最熱門既行程除左藍湖之外, 就係金圈之旅 Golden Circle啦!! 可以說冇到過金圈就跟無來過冰島一樣. 它主要的範圍在冰島南部, 以首都 Reykjavik 為中心, 行程由此出發環繞幾個特色景點, 再回到 Reykjavik. 其中三個最主要的景點就是 Þingvellir 辛格維爾國家公園, Gullfoss 黃金瀑布, 以及著名間歇泉 Geysir 的地熱谷.

因為一落機之後去左Blue Lagoon浸溫泉, 浸完已經中午了!! 所以快快趕去 Þingvellir National Park. 由Blue Lagoon揸車去Þingvellir National Park, 車程都係一個鐘多D. Þingvellir National Park剛好處於北美洲與歐洲版塊之間, 這條裂縫從西邊地殼下沉而成的險谷橫跨至東北邊山派, 然後落至國會湖（Þingvallavatn）.

Þingvellir National Park對冰島有特殊的歷史意義, 佢係930－1798年期間為冰島議會（Alþingi）會議所在地, 呢個係世界上最早的議會之一. 後來1928年成為國家公園, 更於2004年起成為世界文化遺產.

中間呢條就係歐美分界線啦!! 左邊是美洲大陸, 右邊則是歐洲大陸.

遊客中心附近有個觀景台Hakið, 可以俯拍1859年重建的Þingvallakirkja教堂. 佢既歷史可回溯到西元1000年, 基督教剛進入到冰島之時. 教堂的鐘樓是1907年重建的, 這一年剛好丹麥國王Frederik VIII到訪,

踏入初秋, 冰冷既冰島變為色彩世界, 真係好靚!! 不過都係睇左一陣, 跟住又落起大雨來. 等左一排, 都仲係落著大雨, 那唯有離開 Þingvellir National Park, 向著Geysir前進, 沿路開車見到佈滿紅紅黃黃既綠色地衣 (Lava Field), 仲見到岩縫.

開車後不久又停左雨, 我地又見到彩虹, 呢條係我地落機後見既第二度彩虹.

之後仲比我地見到Double Rainbow呢!! 不過個天依然係暗黑無光.

Geysir間歇泉, 呢個地區係由兩個間歇泉Geysir和Strokkur 組成, Geysir間歇泉係歐洲第一個被發現的噴泉, 也因此間歇泉的英文就是以Geysir為名. 由於二氧化碳的沈積與人類的破壞, 現在Geysir已不再噴發了.

雖然睇唔唔到來到Geysir. 不過呢度都可以觀賞Strokkur的噴發情形, Strokkur噴發算頻繁. 我地一去到盲已經甩到Strokkur噴發, 而且噴得幾高呢!!

我地再行前等Strokkur噴發

等左幾分鐘, Strokkur又再噴過, 不過呢個唔算太勁. 如果人行得過前, 就會有可能被Strokkur噴到. 我就係見到有個遊客中左, 不過唔算太勁水花, 所以冇事.

睇左幾次Strokkur之後, 我地就去左對面既Gift Shop行下. 發現罐裝冰島純淨空氣出售, 約售HK$70, 估唔到冰島人幾識做生意.

我地決定今日唔去Gullfoss. 由Geysir去Gullfoss只有10分鐘既車程, 不過我地決定今日唔去啦!! 加上天色開始昏暗, 而且今早又坐早機到冰島, prefer早d返去Boutique Hostel 休息算了, 再待明天早上折返. 我地今晚揀左係Laugarvatn住, 我仲揀左間由學校改裝成小旅館Héradsskólinn Boutique Hostel入住, [呢間Hostel內裡幾得意! 下篇再講.