當晚一行4人, 帶住興奮嘅心情去到機場. 而家出埠踩車變得普遍, 所以就算帶住部單車, 基本上 check-in 程序都係一樣. 其實最好係早兩日通知航空公司你有幾多架單車, 載單車嘅箱有幾大. 但係對上一次我地搭CX去台灣踩, 我地都無咁做到都無問題, 所以都無為意.

去到 counter 報到,地勤哥哥仔一見到我地幾架單車, 就問我地有無事先通知. 我地答無. 地勤哥哥仔好似係新人, 有D手足無措, 咁佢問後面位 sr. 點算... sr. 同佢講左一輪, 同我地講我地D單車撥入 waiting list...下? 咩叫行李嘅 waiting list? 我地當中無人聽過呢樣野...

先岔開一下, 我地事後諗返, 如果換著一個熟手嘅, 可能情況會好D. 因為我地眼見除左我地之外都無人再帶呢D巨型行李, 個貨艙點都應該唔會爆到話要將部份行李歸入 waiting list. 地勤哥哥嘅做法應該係新人按章工作嘅結果.

繼續正題, 我地問 waiting list 即係乜野? 佢話如果個貨艙爆左, 我地D行李就上唔到機.

"下? 咁 worst case 係咪下一班機先送? 但係呢班已經係最後一班, 聽日就打風無得飛架喇喎"
"係, 因為咁樣我地都唔清楚"
"下? 咁我地人到車唔到咁有咩意思呀? 好啦咁, 咁我地幾時會知我地D車上唔上到?" 諗住最多車都無得上, 咁最多取消旅程...
"er...我地都會盡量安排你地D車上機, 所以都要所有人同貨上哂先知." 下?
"咁如果我地D車上唔到, 去又去唔到台灣. 咁你地會同我地keep住到我地返來?" 我地明顯已經作最壞打算
"er. 應該係" 下? 應該? 扣住我地D寶貝車之後會點呀?
"%@#%#$@^Y%#^&^" (呢堆粗口自己行開講嘅)

....果然係「因管理不善而在全球最佳航空公司排名榜由冠軍跌落第三位的國泰航空」

之後我地遲遲都未上機, 響窗邊苦等工作人員推我地D車上機. 有相為証, 唔係我地前世未見過飛機呀 👤

咁當然, 最後我地D車全部係安全上機. 唔係你地都見唔到呢個遊記啦!!

高雄我地來喇!



去到高雄, 我地一機人過埋關, 海關嘅哥哥姐姐就緊隨執野放工行響我地後面了. 見到咁樣我地有點淆: 海關都尚且如此, 其他服務咪...唉, 不出所料, 出到接機大堂, 銀行, 電訊商全部打烊. 響無mobile data嘅情況下, 搭捷運出市區亦唔識搵路去酒店, 無意思. 出面車影都無隻, 好啦. 睇來都係機場過夜架喇. 反正酒店錢有限, 台北機票都可以唔要, 何況係酒店!?

咦, 等等下, 有的士喎! 幸好仲有一位團友身上帶有千幾蚊台幣. 不過因為單車太大, 亦唔係架架的士都上到. 一定要台灣名物: 豐田 Wish 嘅的士, 推低哂後排座位先上到. 仲只能上到一架單車. 下? 咁4架的士, 只有千幾台幣掂唔掂呀? 立即向司機打聽路程遠近, 好彩都應該夠. 可能有司機大佬號召啦, 未幾都陸續來左幾架 wish 的士.   雖然係前後腳出發, 但最後總算全員都能上車到酒店. 至此終於鬆一口氣啦!  我以為...

呢張係我朋友們甫抵酒店所影嘅相, 係嘞, 我地4個人, 為何得3架車呢?  其實係我坐0個架的士迷路.  間酒店係唔錯, 叫做「雲端精緻旅館」.  地點係六合夜市附近, 所以我都唔係好明點解司機會迷路.   當晚去到已經太夜, 加上冇哂台幣, 所以冇出去吃過痛快.  好啦!! 終於4個齊哂啦!! 可以好好訓返一覺, 準備明天砌車.

+ + + + + + + + + + + + +
雲端精緻旅館 THE CLOUD HOTEL
📍800 高雄市新興區民主路18號 No.18, Minzhu Rd.,Xinxing Dist., Kaohsiung City 800, Taiwan
🌎 http://www.cloudhotel.com.tw/Home/Index
+ + + + + + + + + + + + +

去完倉敷後, 我地坐JR返回岡山取行李, 臨上車前買了eclair上車食, 去下一站廣島廿日市宫浜溫泉.  之前上網check過廣島附近既溫泉, 發現宫浜溫泉呢個地方, 溫泉水質屬單純弱放射能温泉. 呢個溫泉鄉好安靜, 市內既溫泉酒店唔多, 可眺望到濑户内海既美景, 更可望到官島既絕美景色. 而溫泉鄉前面係大野濑户内海牡蠣養殖場, 所以呢帶食材豐富, 諗起都開心.

「旅籠 櫻」係市內其中一間家庭式料理旅館.  雖說係家庭式經營, 但絕對地出色.  有免費停車位置, 好似我今次冇揸車去都唔緊要, 旅館細心地提供JR接送服務, 超細心體貼.   所有客房都能眺望宮島景致, 因此優美的景觀也是旅籠 櫻既魅力之一.  全間旅館只有4間客房, 每間房都設有露天浴池, 所以我一來到就可以悠閒舒適地享受溫泉.  每間房間都係塌塌米和室, 而我今次住呢間係全旅館最大最貴既一間房.  房內仲有沙發可以好好休息, minibar內既飲品仲係免費, 歎完個溫泉飲返杯真係好舒服.   整間旅館環境好靚, 內有一個日式庭園, 有流水同埋魚池.  我仲讚主人既日式庭園靚呢!! 佢表示好開心, 仲透露呢個日式庭園係由朋友同屋主自己精心設計及一手一腳建成.  旅籠 櫻有私人露天浴池之外, 旅館仲有派發另一間酒店宮浜 べにまんさくの湯既溫泉湯券, 不過我地冇要到.  最主要係呢間旅館有個咁靚既私人露天溫泉, 我寧願安安靜靜係度休息, 都唔需要再去另一個啦!!

第二日早上, 我地兩個落住雨都係度慢慢欣賞呢個咁靚既環境.  當然唔少得又去浸一浸啦!! 之後就去吃早餐了.  一道一道精緻調理既各種料理, 將素材特色發揮到極致既京懷石料理.   早餐份量剛好, 而且每樣都好有特色, 用既碗碟也配合得好好.  漬菜好味, 豆腐入口即溶, 鯛魚好鮮美, 配上日式酸醋更開胃. 就連半生熟溫泉蛋也做得好出色.   早知昨晚晚餐都揀係呢度食 (下一篇再講).   吃完之後, 還送上生果及咖啡,  真係一個完美既高級享受.

走既時候, 旅館內職員一一向我地道別, 還問我地下一站去邊.  佢地知道我地會去宮島玩, 就揸車送我地去20分鐘車程既宮島口JR站呢!!


+ + + + + + + + + + + + +
旅籠 櫻
📍  〒739-0454 広島県廿日市市宮浜温泉一丁目20番28号
📱 TEL:0829-30-8739
🌎 http://www.ha-sakura.jp/
+ + + + + + + + + + + + +









👋 想睇返今次【西日本淡路山陽8日遊】行程規劃 👈

一直都好想來倉敷, 原因好簡單, 最愛佢保留了日本傳統風貌既美觀地區.  呢個美觀地區集風景、美食、運河、渡船、巷子、懷舊小商店於一體, 我覺得可以行一日都唔會悶既地方.  從岡山坐山陽新幹線(約10分鐘)就到了倉敷站, 沿路牌行10多分鐘就會見到美觀地區運河.  倉敷係舊時米糧集運港, 而倉敷美觀地區係古運河形成既水道 兩岸全部都係百年建築及倉庫, 就連街燈都係古色古香.  兩邊河道種植左好多櫻花楊柳樹.  今次去既時候正遇上櫻花遲開, 所以欣賞唔到燦爛既櫻花.  水街長600公尺, 除左散步之外, 仲可以搭船或人力車.  想搭船係要先到觀光詢問處預約, 等船班時間到再過去搭乘.

美觀地區內有好多好出名既餐廳,  當中有鄰庵最有名既係每天限量80個既微笑布丁, 以及岡山名產蛋黃醬油拌飯.  好可惜去到時, 見到一條長長人龍.   於是就行前幾步到對面既三宅商店, 看看門口發現係一間町家, 建於江戶時代後期, 而且已經有一百多年歷史.  原本係一間雜貨店, 現時則是咖啡店.   三宅商店既人氣商品, 就係依照季節推出既水果parfait, 亦有只於平日供應既咖哩飯套餐, 連甜品及飲品, 都係￥1200 .  如果假日來就只可以單叫, 剩係叫咖哩飯都要￥900.  我地叫完餐之後, 來既人超多呢!! 好彩行快一步.

咖哩飯上炸蓮藕、菜同埋薯仔, 掩菜.  咖哩汁既味道同一般好唔同, 係微微既番茄酸與香料的辛香, 食落好開胃呢!!  食完主食之後, 又到甜品出場.  我地每人叫要一款當日Dessert menu內既蛋糕: 玫瑰Sponge cake及Strawberry cheese Cake.  Rose Sponge cake十分柔軟, 充滿空氣感, 又鬆又嫩的, 口感非常好.  而另一款Strawberry cheese cake吃落一點都唔漏,   兩款都好好味.

吃飽飽係時候行下, 慢慢逛下小店, 感覺真係好.  當然我都抵擋唔住誘惑, 買左唔少!! 特別係有間叫「瀨戶內庵」, 店內有好多試食.   主要賣既係瀨戶內海沿岸既特產, 好似魚介類、醬油、味噌......我自己本身好鍾意味噌同埋牡蠣, 而且可以合二為一, 我又點會放過買返來香港既機會呢 🤑!!

行行下又見到倉敷名物, 就係えびす紅豆饅頭.  其實我又唔覺得係名物, 不過佢咁寫就一於試下.  紅豆饅頭係日本都成日見, 呢度價錢唔貴, 一個都係￥75.  紅豆份量好多, 充滿住整個夾餅內.  一路行一路開始多人, 而且仲見到有D帶左個老人家面具想嚇人既扑頭黨 , 其實係一個特別祭祀活動 - 素隱居すいんきょ, 被打頭既人會得到健康&智慧祝福.  我也有被扑頭黨打中, LUCKY ME.....✌  臨走前見到小豆島拉麵（小豆島ラーメンHISHIO）,  店面好吸引, 但可惜太飽啦!!  據聞呢間小豆島拉麵都好出名, 留返下次再來過吧!

+ + + + + + + + + + + + +
三宅商店-倉敷-町家喫茶
📍  岡山県 倉敷市 本町 3-11
📱  086-426-4600
     https://www.facebook.com/miyakeshouten/
🌎 http://www.miyakeshouten.com/menu/index.html
+ + + + + + + + + + + + +





👋 想睇返今次【西日本淡路山陽8日遊】行程規劃 👈

大家好, 我係吉少. 今次等我客串返一篇先, 第一, 因為今次單車活動真係好難忘; 另外, 太魯閣嘅壯麗風景我都想同大家分享一下.  武嶺, 係東南亞公路嘅最高點, 位於海拔 3275米. 係好多單車愛好者都想用自己腳力到達嘅聖地...不過其實呢啲都係單車仔先熟悉嘅姐. 其實就係好多朋友響清境未訓醒就搭旅遊巴上去睇日出嘅合歡山 .


以下介紹係好單車向, 無興趣可直接跳過去遊記部份😜

到達武嶺可以由台中嘅埔里開始, 又或者由花蓮嘅太魯閣開始. 兩者同樣係超弩級嘅單車路線. 但係前者比較短, 同埋斜度比較統一, 有些少空間可以自己分配體力, 所以絕大多數人第一次挑戰就係由台中上去.

由花蓮上去就唔同, 開始直到大禹嶺都唔太難, 但係一過大禹嶺就突然勁斜. 其時已經係海拔2500米, 空氣有少少稀薄, 同埋一般來講, 去到果個位都已經踩左4小時, 體力都消耗左唔少. 三個因素加埋, 令呢短短十公里路有天堂路之稱...


*********遊記部份*********
我地計劃去4日, 頭一日係安頓自己同單車, 第二日係見朋友, 第3日先係真正挑戰大山. 第4日就台中及高雄閑遊及回港. 不過刺激由出發前已經開始.

一如一般遊台安排, 我地原來都係駁住個週末由21/10 星期五飛台北, 由包車載我地花蓮, 24/10 回港. 但係其實由果個禮拜頭開始, 我地已經頗為擔心, 因為颱風海馬已經慢慢逼近. 但更令人坐立不安嘅係, 天文台預測海馬最接近係 21 號. 而我地係十點幾出發, 如果海馬行慢少少, 我地就可以趕得切逃離其魔掌. 相反, 我地成個旅程就會泡湯.

20/10星期四上午, 全部團員基本上響公司都係扮工. 為嘅係討論下21號上午會唔會八號風球. 但係講講下. 大概下晝兩點幾, 大家決定就於當晚緊急行軍, 目的地改為高雄! 於是我地響短短兩小時內訂購機票同酒店. 同埋緊急聯絡包車由台北改到高雄. 當然這麼誇張的改動我地都打定輸數, 諗住如果現有包車幫唔到我地, 我地就到當地再搵另一間.

殊不知當我地通知佢嘅時侯, 佢身在台中! 到高雄或台北分別都不大, 所以佢都好樂意配合. BTW, 我地幫襯嘅包車公司服務周到, 一般包車旅遊當然安排妥當, 而對於支援單車團更加經驗老到. 今次已經係我地第4次搵佢幫手. 以下係佢地        https://www.facebook.com/jerry.car.rental.service/?fref=ts

到左呢一刻, 我地覺得所有問題都已攪掂. 係等飛矣已...

呢排係度忙緊編排9月份既旅行, 都冇咩時間可以寫下blog! 加上天氣熱到一個點, 放完工返屋企都唔想做, 所以遲遲都冇blog post出呢!! 不過我又真係‎潛水‎潛左好耐, 睇返fb, 原來有成2個月呢?! 都係時候寫返篇先, 如果唔係有人以為我失蹤 😶  呢段時間其實我都仲好活躍去唔同地方食野, 而我又真係冇咩心機寫食評.  好啦!! 講返西日本瀨戶內海遊之旅完, 玩完淡路島, 我就去左岡山市玩.  第一個地方我好鍾意就係呢個岡山後樂園.

岡山後樂園興建於約300年前, 係日本具代表性既諸侯庭園, 與金澤市的兼六園、水戶市的偕樂園並稱為日本三大名園.  總面積約13公頃既後樂園, 有能樂舞台、池塘、山、梅林、茶田等, 係日本庭園中罕見, 而且有寬闊草坪樣式既庭院.   一入到去後樂園真係覺得好靚, 好適合慢慢走慢慢逛, 當然唔少得拍照啦!!  特別推薦大家登上唯心山一覽整個園區景色, 行完之後, 又再2孑1整個日本庭園, 欣賞周邊迴遊式庭園多變既景色.   當日我地遇上日本人係呢度影婚紗照, 原來唔少日本新人都會揀係後樂園拍攝婚紗照.

岡山後樂園係利用虹吸現象原理, 係旭川的5公里上游處引水入園, 引進來既河水用於曲水、池塘、瀑布，建造各種水景, 令園中處處有活水又用園路.  水路更將寬闊的草地、水池、假山、茶室連成一體, 成為一個廣闊既林泉回遊式庭園.

位於正門旁的「延養亭」除了能將園內的美景盡收眼底之外, 而園外既岡山城及周邊山群為背景, 影相出來更靚.   除此之外, 後樂園內種植左百餘棵既梅花樹, 剛好我地去既時候, 正係春季, 仲有櫻花、杜鵑花、菖蒲花、蓮花等.  而秋季更有迷人的紅葉呢!! 園內除設有餐廳「四季彩」, 提供採用岡山當地新鮮食材的日本料理, 另有茶屋可體驗品嘗抹茶.


到訪岡山後樂園交通:
JR 岡山站：徒步 25 分鐘
從 JR 岡山站搭乘市內公車: 12 分鐘 前往巴士車站第 1 乘車處, 搭乘前往「藤原團地」的公車. 後樂園就在「後樂園前」公車站的旁邊