————————————————————————————————————————

18/3係日本long weekend既第一天, 0720我地已經到達關西機場, 可能一早旅客唔多, 所以過關都好快好順利.  出關後, 我第一時間去左西日本JR票務中心換好JR Pass, 排隊既人開始多, 好彩行快幾步, 因為我後面既人仲多呢!! 換好哂JR pass, 再查問票務員我所訂既新大阪到岡出新幹線指定席, 點知全部都爆哂, 要自己爭取機會上車了.  唉~~~ 既然冇第一程, 我就問定後兩日既C571 SL山口號列車（貴婦人號）.  

呢段山口號列車係我好想坐既一班蒸氣火車, 只有3月-6月假日運行, 運行期間只有一班由新山口-津和野對發.   持JR 山陰山陽 pass係可以免費搭乘. 不過要比返指定乘車劵520yen.  我地要去到日本JR票務站先劃到位.  出發前我上網check過vacancy, 都知道只剩10個位.  起初JR站職員都有少少一頭霧水, 佢拎出本黃頁咁厚既JR schedule幫我查, 最後查完再幫我check位, 卻只剩一個, 真可惜今次都係坐唔到.  我一心諗住坐到呢班火車, 我就改plan B 轉去津和野溫泉酒店住一晚.   咁而家就跟返我原定計劃了.  

————————————————————————————————————————

我地趕上0808由關西機場開出既Haruka到新大阪.  再轉乘新幹線到岡山, 幸好我地係自由席找到個企位, 不過就要罰企45分鐘啦!! 因為全車無論什麼位置都係企滿人, 而且自由席只有3 cars. 去到岡山站剛好10:10 am, 再找租車公司取車, 搞好手續都11:00了.   好開心終於起程開始自駕遊四國德島及淡路島.  

第一站我地會去鷲羽山展望台, 最南端標高133m的鷲羽山係眺望瀬戸大橋及日生諸島既絕佳地點.  若果傍晚上來, 係鷲羽山可以欣賞夕陽及瀬戸大橋.  這裡被選為「日本の夕陽百選」呢.  不過今日我地中午時份到達, 天也陰陰的.  望著咁靚既瀨戶內海及瀨戶大橋和眾多島嶼, 人都醒神少少.   展望台有餐飲同埋手信店, 我又發揮買野既本色, 買左少少手信啦!! 不過手信店內個環境幾舒服, 仲可以望住個靚景嘆返杯茶.

去旅行遇上日本假期, 真係要有少少心理準備.  我坐完零晨機, 再罰企45分鐘.  繼而遇上公路塞車, 用了double 時間先去到第一個景點, 中間放棄了原有行程兩個, 而且冇咩精神下駕車都好疲倦.  好彩我今晚住上溫泉酒店, 可以好好休息下.  為左自己駕車時精神少少, 我都會見到便利店又落下車行個圈買返少少零食上車食, 今次發現好多櫻花&士多啤梨新口味呢!!

由岡山進入四國, 必經瀬戸大橋, 所以去鷲羽山欣賞全景係唔錯既選擇.  我地由瀬戸大橋一路向德島出發啦!! 原來過橋費一d都唔平, 有興趣可以參考呢條link查下每段IC收費.