摩洛哥11天🅼🅾🆁🅾🅲🅲🅾 馬拉喀什｜48 hours in Marrakesh
你問我去馬拉喀什48小時夠唔夠? 我一定話唔夠. 要行要睇既野實在太多, 不過要就行程時間又要去沙漠, 要來一個馬拉喀什48小時遊, 要用盡每分每秒的話, 可以說剛剛好. 我計劃Marrakesh 作為我整個行程的第一站, 確實讓我探索到摩洛哥這個“南方寶石”那股特式文化的一個完美方式. 這個 48小時馬拉喀什行程以有限的時間展示了這個文化豐富的摩洛哥城市, 而當中有些行程是我整個旅程中亮點呢!! 短短的48小時, 我亦去了三間好出色的餐廳食飯, 包括: Le Café des Épices, Nomad, Le Jardin Cafe.
DAY 1 10am 到達馬拉喀什
上一篇講過初到馬拉喀什人生路不熟, 係Riad Yasmine安頓後就出去市集(souk). 之前好多人話去到摩洛哥市集, 迷失迷路係好正常的事. 皆因馬拉喀什有摩洛哥最大的柏柏爾人市場, 也有整個非洲最繁忙的廣場. 每條巷有幾十條分差小巷, 唔同的小巷賣不同我產品, 包括: Olive, spices, 銀鐵器, 地毯....etc. 見到咁多吸引的物品, 在狹窄的小巷裡讓自己迷失一下不同香料的味道中, 其實係一個不錯的體驗. 我自己也有試過行下行下不知去到邊, 抱住"勇往直前"的心態行, 又可以行到大巷上, 而好多大巷的出口是通往Jamaâ el Fnaa square (德吉瑪廣場). 出發前已做了research, 知道Jamaâ el Fnaa square上有間外幣對換店個rate不錯, 好多人都會建議那裡唱錢. 而我用map.me已經可以定位到Ali Hotel換錢的位置, 佢就正正係馬車等候區右手邊的區域, 都好容易找到.
11am 庫圖比亞清真寺 (Koutoubia Mosque)
廣場的西南邊就是庫圖比亞清真寺 (Koutoubia Mosque), 我相信好多人例必見到呢座高塔. 庫圖比亞清真寺首建於1147年, 但因為沒有對正著麥加的方向, 所以被拆除. 後來於1199年又再度的重建, 當年修建尖塔時, 於粘合石塊泥漿中加入了近萬袋名貴香料, 令清真寺散發出濃郁的芳香, 至今依然香味撲鼻, 因而又有「香塔」之稱. 不過清真寺是不對外開放, 僅對穆斯林開放. 而我就環繞清真寺的小花園行了一圈, 發現影出來的相真係好靚. , 紅色的牆身因光線不同位置會有深淺不一的粉紅色.
12pm 德吉瑪廣場 (Jamaâ el Fnaa square)
於2001年時被列入世界文化遺產, 這個廣場的發源現已不可推敲, 或者跟馬拉喀什的存在是一樣的古老, Jemaa el-Fna是摩洛哥, 也是全非洲最遠近馳名的廣場. 我地返回Jemaa el-Fna為的是要找沙漠local tour, 整個廣場上非常熱鬧, 你會發展有推廣員, 有玩蛇的人, 有小販...etc的人於廣場上留連. 我地行過廣場一會, 已經有幾個人推銷我們去沙漠團. 出發前我大約知道沙漠團價錢, 所以來推銷我一問價就決定是否跟. 最後跟了一個當地人, 走了入幾條小巷內轉, 再行去另一邊小巷的其中一間旅行社報名. 佢地的推銷手法有少少似係印度買野, 不停同你係到玩價, 開來開去, 最後佢地都接受我開的價錢, 成功報了後天出發的3天2夜沙漠團. 由於一講沙漠團都有好多要講, 之後我會寫篇更詳細的blog作解釋. 一切都搞好後, 當然要去廣場上買杯橙汁飲定定神啦!! 橙汁店主仲叫埋我上去同佢影相呢!! 起初一到埗, Riad職員處處叫我地小心出外, 其實當地人幾好, 只係比較熱情, 只要適應了就沒有什麼.
1pm 犘洛哥藝術之地: 阿里班·約瑟夫神學院 (Ben Youssef Madrasa)
今日的重點行程之一, 色彩繽紛的阿里．班·約瑟夫神學院是一所古老的伊斯蘭學院, 更是摩洛哥最大的伊斯蘭學院 . 這裡已有600年歷史. 它充滿異國情調的牆壁, 以及庭院無疑是摩洛哥藝術的精華之地. 無論學校大廳或是祈禱室的圓頂, 中央大理石庭院, 還是天井和牆壁上的雕花與馬賽克花紋樣式, 都把你沉浸在摩洛哥的歷史和文化中. 由於我地午餐時間到, 所以神學院內人不算多, 我地慢慢欣賞馬賽克花紋, 仲可以不停影相.
2:30pm Lunch @ 寧靜綠色綠洲 Le Jardin Cafe
4:00pm 在迷宮露天市場中迷失
食飽飽又係時候要四出到外面souks行下啦!! 一於迷失於露天市場啦. 無目的地行, 你會發現更多摩洛哥的特色. 原來香料都好似沙漠咁堆積如山, 見到銀色的茶壺靚到不得了, 仲有各有特色的燈擺滿整間店鋪, 我真係想買哂返來呢!! 當中我對陶瓷品更有興趣, 我自己都買左唔少呢!! 始終係今個摩洛哥旅程第一站, 所以我都係要忍手唔買太多.
7:00pm Dinner at NOMAD
出發前知道呢間餐廳熱門, 所以我一早係網上訂了位. Nomad位於香料露天市場的頂部, 可以看到橘紅色的橙色屋頂, 就好似一座燈塔一樣崛起, 為所有尋求美食的人提供服務. 我地訂的枱位於露台角落 , 可以欣賞到黃昏的馬拉喀什. 我地好享受這個咁美好的環境, 食飯都開心. 而且馬拉喀什晚上會較為涼爽. 入黑後, 在閃爍的燈光下, 看到整個市場的完美景觀. 
Day 2 10am 好好欣賞 Majorelle Gardens
12pm 皇室體驗 LA MAMOUNIA
如果你想體驗摩洛哥王室一樣的奢華生活, 那麼La Mamounia就可以實現這一個目標. 這家五星級酒店距離舊城 (medina)僅一尺之遙, 係探索激烈和混亂的露天市場後充電的理想綠洲. 輝煌的建築, 美食, 水療中心和一流的客房, 美麗的花園, 以及卓越的客戶服務, 它的價格也是值得的. 要入住La Mamounia, 價錢大約HK$3000幾一晚. 若大家好想去一遊, 其實又另一方法以獲得像皇室一樣的生活體驗.
為了獲得類似的皇室體驗, 我地來到這裡享受日間水療套餐. 套餐包括按摩或土耳其浴, 使用游泳池和其他spa設施, 仲包括一個米芝蓮二星午餐, 價錢也只是MAD$1500. Spa採用傳統的摩洛哥Hammams和signature spa, 並使用當地產品如摩洛哥堅果油, ghassoul和savon noir. 這些特色護理正正就是亮點. 我地可以盡情享受其中一種水療之後, 還可以在精緻的泳池暢游來放鬆身心. 休息完後, 我地去了Le Francais享用午餐. 午餐後再行我最喜歡La Mamounia開放式庭院, 入面擁有茂密的植物, 玻璃燈籠及Zellige華麗的樁柱. 臨走前, 我地到了gift shop買了剛才午餐品嘗過的優質olive oil 回家, 據職員講這枝olive oil是由130年樹齡的橄欖樹提煉出來.
5:00pm Royal Mansour酒店
享受過摩洛哥帝王式生活後, 我地又去另一個皇宮參觀一下. 所謂皇宮其實都係酒店. Royal Mansour係摩洛哥國王穆罕默德六世的要求下, 建造時沒有任何預算, 將該國傳統工匠和古老建築風格的真正展示出來. 穆罕默德六世為了展示他的人民歷史, 工藝和技能, 僱用了大約1500名工匠和女性, 他們每天在現場不知疲倦地工作超過三年, 結果做就了這個豪華傑作. Royal Mansour無疑是世界上最重要的豪華酒店之一 .
6:00pm 再訪不眠廣場 (Jamaâ el Fnaa square)
無論白天或晚上, Jemaa el-Fna 德吉瑪廣場都非常熱鬧, 就像個永遠不休息的不眠廣場. 前一日到過Jemaa el-Fna 德吉瑪廣場找沙漠團, 都沒有好好欣賞這個廣場的環境. 特別係晚上, 更加熱鬧非常, 擺滿各式各樣的攤檔呢. 在廣場周邊有幾個可以上樓俯瞰整個廣場的咖啡店, 我地隨意找了間有頂樓陽台的咖啡上樓坐下休息，我地各人叫了杯Mint Tea飲. 一邊嘆茶一邊等天色轉為黃昏, 廣場越來越變得熱鬧, 各攤販紛紛點上燈, 迎接不眠的馬拉喀什夜晚. 影完相走向廣場, 廣場上的小食攤好多, 有蝸牛湯、摩洛哥烤肉、塔吉鍋等等. 當地店員會熱情攬客, 他們真的會纏到你招架不住, 加上出發前上網發現有人於廣場小食攤吃完後收費極唔合理, 最終我行了一個圈就走了.
8:00pm 晚飯 Le Café des Épices
Café des Épices位於馬拉喀什medina的北部Place Rahba Kedima廣場 (即Nomad對面), 餐廳設有屋頂露台. 當晚去露台用餐的位置已經全滿, 我地無得揀就係地下層用餐. 坐樓下都唔錯, 仲可以觀賞到香料市場人來人往的情況. 整間Cafe裝飾風格簡約, 配上典型的berber cushion以及家具, 帶有新潮摩洛哥式的組合. 另外Cafe des Epices的菜單相當簡單 - 只賣新鮮果汁, 茶和咖啡, 少量三明治, 煎蛋及沙律, 價錢親民. 下午食得太多的關係, 我地點一些簡單的食物作為晚餐, 慢慢享受這個環境.
回顧馬拉喀什的48小時
我覺得這個摩洛哥最迷人的城市Marrakesh , 擁有一個粉紅色牆壁的城市, 有著人來人往的露天市場, 狹窄的小巷, 迷人的souks, 特色的雕花與馬賽克花紋的古舊建築, 真的會令人眼花繚亂. 好好去欣賞發掘必需要更多時間. 另外我建議去有屋頂的Cafe慢慢感受當地人的生活, 你會發現這個城市更迷人. Hammans是摩洛哥生活體驗, 幾個世紀以來, 它一直是摩洛哥生活中不可或缺的一部分, 當地人及遊客都會到土耳其浴, 而且整個medina都有Hammans spa, 從基本到豪華的浴室都有. 建議大家來到摩洛哥好好體驗一下.
我都好想去摩洛哥!!!!
回覆刪除覺得佢d顏色好靚~~~不論係建築物定賣既野~~
不過自遊行難唔難plan呀?
唔太難PLAN, 只要夾返巴士/火車時間就可以係不同的城市玩.
刪除我最後揀左去日本....wakakakakaka~~~~~~
刪除試下留待下年睇下有無多d時間去plan~
好正呀! 好鍾意你第6張相啊~~
回覆刪除皇宮spa體驗都好正喎...真係好靚...MAD$1500即係幾錢港紙呀?
MAD$15000即係幾錢港紙$1200,當地MAD錢乘0.8就等於HK$. 個SPA或者按摩一般啦!! 不過係咁既環境做, 又係好正的享受.
刪除好靚好有特色！不過當地人係咪好「熱情」？（去到煩的地步？）
回覆刪除我都鍾意Marrakesh,有特色之如,有好多野睇同買. 當地人我又冇比人煩到, 有時佢地想帶你路, 唔太理佢地的話, 佢地會自己閃走. 不過去廣場食野就會被人煩, 拉住你睇佢地menu囉.
刪除使唔使咁靚呀？啲建築物好有歷史同藝術味道。48小時太短喇，應該玩多兩日。
回覆刪除我都好想玩成個星期, 但要去其他地方,冇法啦!! 下次我相信只去Marrakesh買野食下野都夠.
刪除等左你好耐都未有part 2~~~~XXD
回覆刪除知道啦!! 最近有點忙呢! 我都想努力KEEP到一星期一POST *_*
刪除