【西日本瀨戶內海遊】淡路島油菜花 Awaji Hanasajiki あわじ花さじき








圖片來源:http://goo.gl/fDoUwY

☞あわじ花さじき 官網
食完一個好好味既午餐, 我就揸車去Awaji Hanasajiki あわじ花さじき.   整個公園大約日本甲子園球場的4倍大, 而且入內無需門票.  呢個花園內既巨大花海會隨四季變化而綻放.  春天有的是油菜花.   不過我去既那天正是當地既假日, 點知上山既路大塞車, 由山腳上去あわじ花さじき, 短短15分鐘既路程, 足足塞左一個小時呢!! 真慘!! 原本想去既另一景點淡路夢舞台, 就只得放棄了.  終於上到去山頂, 沿路有Security指揮交通, 連泊車位也要等呢!! 如果想唔等, 可把車泊遠少少, 行一段路到入口就最好了.   

 泊好車走入公園.  人真的超多呢!! 不過我見既全是日本人, 假日同家人行下公園影相觀賞花園都係一個唔錯既選擇.  油菜花花季3月上旬開始, 4月是最佳時期.  而あわじ花さじき占地14.6公頃, 一年到尾有唔同應季鮮花爭奇鬥艷.  如果好天的話, 更會見到明石海峽大橋和大阪灣為背景.  今次去到Awaji Hanasajiki見到既油菜花超多超大.  雖然人多的是, 但唔會影響我地去欣賞既心情.    除左有靚靚油菜花外, Awaji Hanasajiki內仲有個天空之花園,  有時會有特別展覽.  今次就用左唔同顏色既草木做出大大小小既花形, 加添園內色彩.  特別要提的是園內有個小小展望台, 可以係高處欣賞天空之花園.  

 欣賞完畢之後, 可以去近出口既小賣部睇睇.  我就係見到有特別既枇杷味雪糕, 忍唔住買左來吃.  估唔到味道都幾清新, 又幾特別, 值得一試.   而且仲有手信小店, 臨走前可作最後shopping.  經過今次既經驗, 知道日本long weekend真係超塞車.  本想去埋夢舞台, 但係怕塞車, 最後都冇去到, 而我地交車去岡山也是剛剛好呢!!  最後送上我係車上見到好靚既咸旦黃昏既相片作為淡路島一遊既結束.

 • 地址：兵庫県淡路市楠本字上山2865-4 
• 營業時間：9：00~17:00
• 定休日：日本新年(年末年始)
• 入園費：免費
• 交通方式：JR「舞子」駅、山陽電鉄「舞子公園」駅下車、「高速舞子」站搭乘高速巴士至「東浦バスターミナル」下車後改搭計程車約10分鐘 或搭淡路島内路線巴士：岩屋-洲本(縦貫線)、於「東浦バスターミナル」下車後改搭計程車







 👋 想睇返今次【西日本淡路山陽8日遊】行程規劃 👈

【西日本瀨戶內海遊】淡路島 不可錯過的海鮮丼 魚竹 海鮮どんや






去完洲本五色公園ウェルネスパーク 睇完油菜花, 都差唔多要去食個午餐.  我地一心諗住去食牛丼, 揸車經過呢間海鮮丼, 見到有日本人排隊等位, 下意式會覺得呢間餐廳一定唔錯.  其實去到淡路島, 好少見到遊客, 排隊店應該唔太多, 所以我就決定係呢間餐廳食個海鮮丼.  門前有得泊車, 不過連泊車位都要等呢.   餐廳唔算大, 入面只有20個位左右.   我地等位等左半個鐘左右就入到去啦!  店內只提供幾款海鮮丼, 天丼及小食.  全店餐牌只有日文.  簡單可以理解, 所以點餐時都唔覺難.   要講講呢間小店價錢超級抵, 我地點了一個特盛海鮮丼(¥2000)及天丼(¥980),   小食點了炸蠔 (¥500).   先來天丼, 吉少一路食一路話好好味. 炸粉唔厚, 而且大部份係海鮮天婦羅 , 海鮮好新鮮, 就連天婦羅穴子都有.  之後就係我既特盛海鮮丼, 一來到我兩張發光啦!! 好大碗呢!!  飯上面有8款海鮮: 三文魚, 油甘, 吞拿, 鯛魚, 白魚, 螺片, 海膽, 墨魚.   全部海鮮好好味, 好新鮮!!  特別係鯛魚, 個口感同一般食到既好唔同, 肉質好結實, 咬下好彈牙, 而且有白魚既清甜, 唔怪之得係淡路島最出名啦!  跟住炸蠔來了, 又係超水準之作.  ¥500有4大隻炸蠔, 仲伴有沙律菜.  我地快快食了一口, 真係好味到不得了.  蠔炸得剛好, 唔會因為蠔Size大炸過火, 而且好鮮甜.  呢餐真係好驚喜, 以咁既價錢可以食到咁出色既海鮮, 我相信出名既魚市場都未必可以.  

 海鮮どんや 魚竹 🍚
    うおたけ鮮魚店やけんど〜海鮮どんや 
🌎 http://uotake.wixsite.com/uotake/blank
📍  〒656-1602淡路市育波584-1
📱 TEL: 0799-84-0551

 食飽後, 沿海邊公路一直揸車上東面, 發現淡路島確實係一個好怡人既地方, 仲適合踩單車呢!! 吉少見到好多當地人假日約好一兩日係沿海公路, 都唔知幾羨慕.  上一篇我都有講我好買士多啤梨食, 特別係上揀返四國縣或淡路出產.  期間經過一間不知名既local supermarket, 我就停車入去睇下, 又比我買到一位德島縣產既士多啤梨呢!! 開心到爆!!  因為德島縣出產既士多啤梨真係好好味, 本來我好想可以遇到さくらももいちご（櫻桃士多啤梨）.  如果見到我一定會買幾盒即場食.  不過都買到另一款德島縣出既士多啤梨, 果形較尖身, 口感硬度適中, 味道亦較甜（甜度達10度）, 而酸度低（酸度0.59）, 色澤深紅, 相對於其他士多啤梨品種的維他命C更高.  一買左一路揸車一路吃, 真係不得了!!  我真係食哂成盒呢!  之後我好想再買, 始終都冇遇到了, 唯有寄望係九州士多啤梨園再食.

 後記:
玩完返到香港, 有日行過果欄, 見到德島縣阿波市出既士多啤梨, 超級罕有.  一於唔理買左一箱4盒返屋企.  返到屋企急不及待開來食, 真係好好味呢!! 真係可以比我係香港找到.  雖然貴少少, 但係日本運返來香港都要啦!


(source: http://www.weekendhk.com/)
👋 想睇返今次【西日本淡路山陽8日遊】行程規劃 👈

【西日本瀨戶內海遊】淡路島 小朋友大愛既洲本五色公園ウェルネスパーク 油菜花 櫻花




 

 
 
剛剛去完一轉台東台北快閃遊, 雖然短短4日, 但玩得好開心.  可以見見朋友, 又可以去大吃一餐.  玩完都返來休息左幾日, 努力寫下BLOG先.

今次去呢個淡路洲本市五色公園ウェルネスパーク唔係原本既行程部份, 就係大鳴門橋記念館影完洋蔥頭後臨走前, 比我發現一個介紹淡路島既單張架, 仲見到有張全頁士多啤梨既單張, 隨即拎上手睇下, 發現呢度有自家採摘士多啤梨園, 我即時😍😍😍, 仲同吉少講我要去呢度買士多啤梨食呢!!  雖然呢度只可以比你摘, 摘完以 270円/100g買走, 但可以一嘗當地既士多啤梨又幾吸引.  我地決定改行程去左呢個洲本五色公園ウェルネスパーク.  點知去到剛好11:30, 仲見到好多日本一家大細捧住一盒盒既士多啤梨.  超期待!! 一心諗住去摘士多啤梨, 點知真係11:30準時關閉, 要等到13:30先再開返.  雖然食唔到士多啤梨, 就行下呢個公園啦!!

五色公園內有好多設施比小朋友玩, 當日都有好多一家大細係度玩, 整個公園都好靚呢.  特別係呢度仲可以作為camping及住宿.  公園內有好多一間間既度假屋, 園內設施又齊, 連餐廳都有.  小朋友來到一定鍾意.  因為有好多唔同既滑梯, 又有成大片草地玩, 玩到咁上下去摘士多啤梨又得, 放電一流.  不過我地一把年紀, 滑梯又唔會玩, 就去欣賞下呢個公園既油菜花吧!! 去既時候正值係淡路島油菜花季及櫻花季, 我地好好彩可以睇到.

大家有興趣都可以睇下呢個link 👈, 有哂公圜內既介紹及宿泊預定.
ウェルネスパーク五色
〒656-1301 兵庫県洲本市五色町都志1087
TEL:0799-33-1600（代） FAX:0799-33-1603

 臨走前, 見到一片油菜花田, 忍唔住我又落車影了幾張相才去下一站 🤗 .

(picture source: http://static.panoramio.com/photos/large/79669552.jpg)
(picutre source: http://www.takataya.jp/stay)


👋 想睇返今次【西日本淡路山陽8日遊】行程規劃 👈

【西日本瀨戶內海遊】淡路島 大鳴門橋記念館


如果要到大鳴門橋記念館, 用車內GPS會尋求到兩個地點.  一個係橋這邊, 位置即係鳴門市.   而另一個係橋既另一邊, 指示為淡路市.  今篇講既係淡路市那個「うずの丘 大鳴門橋記念館」.

一到埗就被那個Awajishima Burger必吃得獎漢堡Poster吸引埋去, 曾獲得2013年全國冠軍及2014年全國亞軍, 每個餡料十足夾埋厚厚既洋葱圈漢堡真係令人難以抗拒.  不過我地決定行完出來先慢慢坐底食返個.   講開淡路島既名產, 除左洋葱質量冠絕全國之外, 仲有淡路牛.  淡路牛係神戶牛既根源.  初生的淡路牛, 被飼養到3個月大, 便會運到神戶周邊的三田一帶, 繼續住好食好.  牛隻長大後改名為神戶牛推出市場.  有了神戶牛既名, 牛既級數自然大躍升.  

就係因為淡路洋葱咁出名, 所以連大鳴門橋記念館內都有一個大大洋葱比遊客影相.  大洋葱大後面有埋鳴門橋做背景, 真係一絕.  最搞笑係館內有哂洋葱假髮比大家帶住影相.   我地都有帶住玩啦!! 用完後記住放返原位呀!! 因為工作人員會幫忙整潔, 同埋會為洋葱頭梳頭架.  另外一提就係館內有部夾公仔機, 不過呢度就唔係夾公仔, 而係夾洋葱, 日本人真係創意無限.

其實大鳴門橋記念館有大洋葱影相外, 而且仲有個展場做一d特別展館.  我地去既時候就係開始搞緊個淡路科學館, 不過未set好, 所以我地冇入去睇睇啦.  另外一邊就係大家都好鍾意既手信店.  行入去真係不得了, 有好多唔同既洋葱產品試食呢!! 買完手信, 終於可以去試個洋葱圈和牛漢堡, 我地冇叫餐, 仲加左￥200點多包洋葱圈.  個漢堡好好味, 和牛入口即溶, 而且份量好多.  加埋佢個醬真係正.  洋葱圈超甜, 炸得好脆.  雖然食完個早餐冇幾耐, 我地都要試一試, 果然冇令人失望.  原來呢間Awajishima Burger係島上都有其他分店, 大家可以參考下以下地圖.
〒656-0503 兵庫県南あわじ市福良丙936-3
電話番号: 0799-52-2888
👋 想睇返今次【西日本淡路山陽8日遊】行程規劃 👈
訂閱： 文章 (Atom)
Related Posts Plugin for WordPress, Blogger...