Photo of the Day
玩埋今日, 我地就會離開南意到羅馬. 係前一晚, 我仲係度心大心細諗係南意仲有6-7小時玩, 應該去邊. 最後我就揀左去龐貝古城. 由Sorrento坐返
Circumvesuviana 火車, 到Pompei S. Villa Misteri
落車就可以了. Circumvesuviana 火車時間表 
龐貝於公元前600年左右在義大利沙諾河畔的一個小丘上建城. 這個地方當時已經成為希臘人和腓尼基人的良港. 當時當地的希臘人非常強大. 之後公元79年在經歷幾次地震等火山活動徵兆的一週後, 維蘇威火山爆發, 一夜之間將龐貝活埋於火山灰下. 呢度最令人動人心醒的地方係保存左當時的生活、人民以及動物死前的一刻, 全都被火山灰附著而凝固. 1997年被聯合國列為世界文化遺產, 成為意大利最熱門既旅遊景點之一.
下了火車後, 跟著途人順行, 便到了Pompeii古城入口. 當日唔算太多人. 買好了票後, 便要去窘存行李.
好多人都有擔心去到Pompeii 那裡寄存行李, 未出發前好多人都話火車站內有小店寄存. 不過我地去到Pompeii入口, 就見到呢個行李寄存室, 而且仲要係免費呢!!
入閘後, 左右手兩邊開始就已經是遺跡, 順住路再往前走就可以.
先到了阿波羅神殿 (Tempio di Apollo), 呢個係龐貝最古老的宗教建築
接著我地走到擺放挖掘出龐貝古物的地方, 展示物品好多都包括人體
雖然人已不在, 但身體係會腐壞的. 硬化的火山灰殼變得中空. 之後考古學家於殼中加入石膏來保存著當時人的形狀動作.
這些石膏人像, 重現龐貝人當時遇難的模樣, 看到呢d驚嚇、害怕既模樣, 睇到令人難過!!
市民會堂大廣場, 這裡為當時市民集會既主要地點
龐貝古城好大, 張地圖有A3咁大張.
龐貝市場 (Macellum), 地上有12個小柱, 係以前的基座, 係當時的市場中央. 原先係個12角形尖錐天花板的建築.
這個市場主要販賣魚類及肉類. 牆上既彩色壁畫仲keep 得好好, 還清晰可見, 壁畫下放了兩個罹難者的石膏像.
之後去左呢個其中一個必睇既地方, 就係呢幅"內有惡犬"既馬賽克.
入到城中, 隨處可以見到路中間就塊大石頭, 其實佢地好聰明. 這個大石有兩種功用: 一: 這是行人過路處. 可於雨有積水時, 人可以踩住呢d有高度的石過馬路並不用濕腳. 二: 係用來作為路肩, 作為減速及防止馬車進入Pompeii.
龐貝古城內有完整的供水系統, 水會係城外山上通過高架水槽引入城中水塔, 再通過城中管道分流到城中各處. 好多十字路口見到唔同石雕水槽, 供市民飲用.
係咁熱又曬既環境下, 自己帶來既水會好快飲哂, 所以我都有飲用呢d水. 好清涼架!!
跟著我地到了大浴場
呢個大浴場好豪華, 有哂更衣室, 冷水池, 熱水池, 蒸氣浴.
牆上雕刻好靚.
大理石建成的噴水池
Locker位: 放存衣物
龐貝也少不了意大利常見的圓形劇場, 呢個係經過特別設計, 當有人係中央說話時, 聲音可以清楚地傳給後方的觀眾.
之後到了Pompeii內最出名的妓院 Lupanar. 妓院出面人很多, 要排隊進入.
一入去就見到牆上佈滿了好多色情圖畫 因為妓女好多都是東方人種的奴隸, 因語言不通, 有時用圖畫指示較快！呢度係Pompeii城內保留得最完整既壁畫
整間妓院內有5間房, 房內只有床
係大路出面, 有去妓院既路標, 不過唔會寫出來咁露骨囉.
龐貝古城真係好大, 我地兩個行左成6個鐘, 都未行得哂, 而且不可能盡錄.
不過Pompeii真係一個好值得去既地方. 如果下次去, 真係要預一整天時間啦!
想知多D, 可以睇返佢個official page.
Official Homepage: http://www.pompeionline.net/
2 意見: