【芝櫻✤櫻花】5月北海道の9天賞櫻自駕之旅 愛的國度帶廣 愛國駅 幸福駅 十勝豬丼
Photo of the day
病左兩個星期, 我終於可以出山啦!! 原本仲諗住可以快快完成北海道post之後, 好好計劃4月尾既旅行, 之後再開另一個地方寫, 今次又遲哂大到啦!! 來到帶廣，唔止泡溫泉, 仲要來造訪「從愛的國度前往幸福」的愛國駅和幸福駅. 不過未造訪前, 先去吃過出名既十勝豬丼.
帶廣市有兩大豚丼名店包括:「元祖豚丼のぱんちょう」及「豚丼のぶたはげ」, 兩間係Tabelog內評分好高. 豬肉用炭燒, 配上濃厚醬汁及晶瑩飯粒的簡單組合便做出一碗咁美味既豬丼. 我地11:00左右到達帶廣駅, 所以順道揀了豚丼のぶたはげ試試.
時間早, 店內人不多, 而且我地吃完早餐冇幾耐, 為了一試, 每人點了一碗豬丼(4塊都係 890円).
還附送味噌湯及漬物, 味道唔錯, 豬肉好香, 醬汁濃, 飯也很好吃.
食完好飽呢!! 又係時候要出發.
順路先到了愛國駅. 愛國駅和幸福駅, 位於日本北海道帶廣市的愛國町與幸福町, 屬於JR廣尾線上既車站, 不過1987年已經停止運行, 現在則是變成熱門的觀光景點.
愛國駅比較細小, 所以好快我地就向幸福駅出發, 開車10分鐘左右就到了.
火車內有展版, 而且更開放車廂
外面既幸福駅貼滿戀人們既車票
據聞敲一下鐘可以幸福一輩子!!
之後就駕車返回札幌, 本想晚上去吃羅臼料理, 但太多人啦!!
點解咁出名, 個個為了滿滿一碗三文魚子飯而來, 下次去要先預約啦!!
最後改去吃炎神算了! 炎神拉麵都算OK架!
第二日早餐到了二条市場吃魚生海鮮飯, 補償返昨晚吃唔到三文魚子飯既心情呢!! 估唔到早餐時段, 呢間どんぶり茶屋咁多人, 我地都等左一陣先有位呢!! 三文魚子好味, 不過海膽就一般啦!! 帶子都係超正!! 睇落碗飯好似好大碗, 其實吉少就食大碗, 我就食另外細既兩碗.
食飽再行下狸小路作最後衝刺
今次9天北海道之旅, 又完結啦!! 臨係機場, 又買買買呢!! 
最後都要吃返杯雪糕先上機, 呢個都幾特別, 係個麵包內加雪糕.
近來真係好多人病，小心身體呀。
回覆刪除四月尾去邊到玩呀？
我間公司上上下下都好多人病，大家真係小心為上。我4月尾去九州玩，有冇tips?
刪除九州好大, 你去邊PART? 我上次一大棚人去, 唔係去左好多地方JA....
刪除我去8日, 不過未諗哂行程, 暫時只係book左幾間溫泉e.g. 湯布院, 黑川.
刪除成篇都有一種幸福嘅感覺 ^.*
回覆刪除其實我怕去日本架, 太多嘢食好難忍, 仲要啱口味喎! 見到嗰幾碗刺身飯, 我口水滴到落地 >.<
我近呢幾年都少左去日本玩, 之前未有福島核爆前, 就真係成日去日本玩, 最主要都係鍾意去食海鮮
刪除寫blog呢啲嘢隨心啦, 唔洗有壓力, 病病係會冇心機做任何嘢架, 不如休息多啲好番先
回覆刪除我呢排都仲有少少咳, 所以都係休息多一陣先再努力寫blog.
刪除