離開了沙漠, 坐了7個多小時車, 終於來到呢個最易迷失的古城 - FES.   老城裡有超過九千條的窄街小巷, 你又點會諗到當今最可靠的google map都會失手於這個地方.   FES是摩洛哥四大古城之一, 亦是最老的一個, 被美國旅遊雜誌Traveler評為全球十大浪漫城市之一.  浪唔浪漫就見仁見智啦!! 今次我先唔介紹我入住的Riad, 重點講下FES有咩玩.

去摩洛哥旅行又點少得唔提撒哈拉沙漠, 進入沙漠亦有好幾個方法:

• ✔ 巴士團: 自行坐巴士到沙漠邊界, 只訂沙漠部份的過夜行程.  巴士要坐上10個小時.
• ✔ 散客團: 最一般的做法參加沙漠3日2夜local tour.  包早晚餐, 一人團費: 650-1000 MAD, 價錢視乎淡旺季.  一團大約15-17人.
• ✔ 私人團: 視乎自己喜好體驗較高質素的沙漠團, 一般係沙漠內入住比較豪華帳篷, 有私人浴室, 價錢以EUR$280起錶.
• ✔ 自駕遊: 由自己安排行程及沙漠住宿, 富有彈性; 但個人覺得開車時間較長, 並要穿洲過省.

你問我去馬拉喀什48小時夠唔夠? 我一定話唔夠.   要行要睇既野實在太多, 不過要就行程時間又要去沙漠, 要來一個馬拉喀什48小時遊, 要用盡每分每秒的話, 可以說剛剛好.  我計劃Marrakesh 作為我整個行程的第一站, 確實讓我探索到摩洛哥這個“南方寶石”那股特式文化的一個完美方式.  這個 48小時馬拉喀什行程以有限的時間展示了這個文化豐富的摩洛哥城市, 而當中有些行程是我整個旅程中亮點呢!!  短短的48小時, 我亦去了三間好出色的餐廳食飯, 包括:   Le Café des Épices, Nomad,  Le Jardin Cafe.

Marrakesh馬拉喀什位於摩洛哥南邊, 氣侯怡人, 是近年歐洲人最愛的一個度假勝地.  正因如此, 近年有好多歐洲人於馬拉喀什賣下摩洛哥傳統大宅改建為精品酒店.  其中一間Riad Yasmine更加於Instagram上一炮而紅, 皆因大宅內有個超靚的綠寶石泳池, 好多IGers一邊吃著早餐一邊於泳池影相.  Riad Yasmine只有7 間房間, 每間房都好有特色, 加上整座大宅結合了摩洛哥傳統美以及當代休閒的裝飾細節, 來到的旅客可以盡情放鬆.

先講講今次我去摩洛哥的行程吧!! 起初編排行程時, 見到摩洛哥的地方名又長又難拼, 要串好幾次先記得清楚, 好似 Marrakesh, Chefchaouen, Ouarzazate, Merzouga...etc.  去完回來, 朋友問我地方名及行程, 我相信讀完出來, 大家也會一頭霧水.

一開始我用google map先查查位置才安排今次的行程.  在我講行程之前, 想介紹一下幾個小城, 希望大家有個概念先.

最近好多朋友都話想去摩洛哥玩, 想知道我的行程及行前準備, 所以我先跳寫摩洛哥11天之旅.  記得八年前去過Tunis一次, 已經被它深深吸引, 覺得這國家非常值得玩, 花費又不會太貴.  而且有好多東西值得細味細看.  自始我已經好想去摩洛哥自由行.  不過一直都覺得這個地方好似好難去, 特別是撒哈拉沙漠.  直至見到blogger好友Vivi去完, 發覺摩洛哥這國家自由行實在不難, 上年暑假開始籌備 , 之後9 月中起行, 用了大約1個多月的時間去籌備整個行程.

摩洛哥和西班牙只相隔一個直佈羅陀海峽, 又被譽為歐洲的後花園.  每年吸引著不少歐洲遊客到來觀光渡假.   籌備過程我是好想去直佈羅陀海峽.  不過11天時間跟本剛好, 所以留待下次再去過吧.

一直都好想Update個blog, 期間一個trip駁住一個trip, 不停plan行程book酒店買機票,  搞到自己冇哂時間寫埋最後呢篇西日本淡路山陽8日遊.   最近終於處理哂, 快快完成埋呢篇開另一個trip寫先.

一講到京都伏見稻荷神社，我相信好多人都唔會佢對帞生,  其中最出名既不外乎就係這個震撼又壯觀的伏見稻荷千鳥居.  我地一早就坐火車去稻荷站.   一出車站就會看到超級大的鳥居, 絕對唔會找不到.   伏見稻荷神社都幾大, 要完完全全行哂真係要三個小時.  之前我都有來過, 所以今次只作短遊算了.  入神社前先洗個手清一清口後, 我地就慢慢沿著斜坡往上行, 行左一陣, 已經到了千鳥居.

穿過兩排千本鳥居之後, 會睇到「奧社奉拜所」, 這裡有好多人會停下來參拜,  順便買狐狸神的繪馬御守, 我們見到排隊人潮多, 就沒有參拜了.    狐狸繪馬臉係比大家自己畫上去的, 超可愛!  每個人畫出唔同既狐狸繪馬臉呢.  再向前走, 會見到更多更大的鳥居, 一路蔓延到山上,  我地邊行邊拍, 慢慢感受這裡幽靜的美, 所以拍出來既鳥居也沒有太多人.  如果想影冇人既鳥居, 不妨行入一點.

看完伏見稻荷神社, 我地就向嵐出發.  其實嵐山有好多風景及小店, 慢慢遊跟本一日係唔夠.   我最鍾情嵐山的春秋兩季, 因為嵐山賞櫻花賞紅葉的地方唔少, 而且係一大片的, 再加上有山有水有寺廟, 真係好靚.  今次我選擇春天再來, 不過櫻花未開, 那就倒不如選一些自己喜歡的地方行行逛逛就可以了.    我地下午兩點多才到嵐山, 就近便到嵯峨野竹林行下.

嵯峨野竹林近來變為熱點, 所以人超多.  比我幾年前去真係多左好多人.  無論你點行點影, 全部都係影到人, 而我等了又等, 終於等到幾秒既時間影左張無人既竹林步道相.    如果要影無人的竹林, 呢家真係有點難度.  我知道有D遊客係一早六七點或者黃昏後到, 應該係可以影到無人的竹林相.  好開心目的達到.  之後我地就行返出去嵯峨野竹林入口, 到三忠豆腐食個下午茶, 點了招牌菜にしんそば (鯡魚蕎麥麵), 抵食又好味.  食完麵, 就去後面間京豆庵食杯豆腐雪糕.  若然你係豆腐控, 真的不能錯過.  因為京豆庵以黃豆做材料, 製作出豆香濃郁的雪糕,   食既時候, 大家不妨把雪糕倒立, 成杯雪糕係唔會趺下架!!  之後一路行又行左去渡月橋, 見到好紅的% Arabica咖啡, 見到條人龍想買杯飲既意欲都打消.   唯有返香港再飲吧!!

上一站去過九州睇櫻花, 點知食白果收場.  好彩今天看到了京都伏見淀水路滿開的河津櫻補數.  淀水路種植既河津櫻係從2002年開始, 目前總共有240棵櫻花樹.  發源地係靜岡的河津町, 而「淀」那240棵河津櫻係10年前開始這區居民努力栽種起來.  起初係想美化那裡一條長長既水道.  現在卻開始變了一條好靚既櫻花路.  河津櫻於3月初正處於最靚既時候.  2017年因暖冬既關係, 櫻花遲開了, 反而給我遇上早開既河津櫻.

從大阪出發,  搭京阪電車到淀（よど）.  如果搭特急電車過來, 記得要在中書島轉急行/普通列車, 下一站就到淀駅.   出站後已見到有路標顯示,  沿著高架鐵路跟河津櫻的關東旗一路走, 大約10-15分鐘可到.   呢度可能算係非常冷門既賞花景點,  遊客稀少.  除了我地兩個之外, 沿路見不多過 10個人  係一個可以安靜悠閒賞花的好地方 .

有計畫前去賞櫻既朋友, 請記得行前先查詢花開狀況, 上年都係3月初開始開花, 到3月中盛開.  查詢花況網址：http://ryokusuinomichi.wixsite.com/sansakutecho/blank-4

幸運地我地去既時候應該是滿開既狀況, 超好影既一個小公園.  粉色既櫻花偶爾穿插黃色的油菜花超靚!!

👋 想睇返今次👉【西日本淡路山陽8日遊】行程規劃 

伏見淀水路河津櫻
📍 京都府京都市伏見淀新町90番地
🚆 京版電車淀站步行10-15分鐘

九州福岡係士多啤梨產地之一, 種類多而且好甜.  我自己本身超愛吃士多啤梨, 上次去完九州吃過一次士多啤梨園放題之後, 真係念念不忘.  有興趣可以睇返呢篇🎌九州紫藤花瀑自駕遊 🍓 士多啤梨 らいおん果実園

雖然今次冇自駕, 所以我要揀一個比較方便既士多啤梨園去先得啦.  上網search過筑紫野士多啤梨園都好近.  從JR博多駅搭乘鹿兒島本線大約需要35分鐘到最近的車站 - JR原田駅(はるだえき).  有好多人都話係JR原田駅坐的士過去大約5分鐘, 我地就揀左行過去, 走路時間都係20分鐘左右.  去到必先要去左手邊既一間小屋checkin, 因為呢度士多啤梨園係完全予約制, 冇予約就冇得入去啦!  這個草莓園有分1個小時無限吃到飽或是單純採士多啤梨兩種.  如果你要1個小時無限吃到飽的話, 11月下旬～5月9日既費用為大人¥1900 (5月10日〜29日是¥1,500).  如果只是單純採士多啤梨, 人園費為¥300.  付款後職員會給你一把剪刀及一個膠袋.

我地去那天開了4個棚, 職員教我地先去最尾那個棚然後再向前走, 咁樣就可以少d人同埋最慳時間.  我跟住佢既建議走到最尾那個棚, 的確係冇人, 仲可以無人下影相呢!!  據聞呢度種植既士多啤梨有大約5-8個品種.  首先見到既係比較新既品種, 名為三重縣【香野｜Kaorino｜かおりの】, 甜度有13至14度.  吃下第一粒感覺有酸酸甜甜既香氣, 而且非常好吃.  之後再見到另一品種【佐賀穗之香｜Sagahonoka｜さがほのか】,  甜度11.5度.  係佐賀縣原創既品種.  果肉體積較大而甜, 果肉偏白.  最後再見到另一款【甜王｜Amaou｜あまおう】, 呢隻成日係香港都見到, 甜度11度+.  吃完了1個小時士多啤梨放題已經好飽, 而士多啤梨園對面馬路有間甜品屋sucré fraise, 入面有好多士多啤梨為題既蛋糕賣.  不過太飽真係食唔落呢!!  之後我地都係行返原路返回 JR原田駅離開.

筑紫野いちご・いちじく農園
🏡福岡県筑紫野市大字筑紫1278
🕐 開園時間：9：00～17：00
☎ 092-400-3239(固定) 090-4516-1484(携帯)
🌏ストロベリーフィールズ 筑紫野いちご・いちじく農園

返回福岡我地去左舞鶴公園, 一心諗住去賞櫻 (雖然係櫻花季, 但2017年櫻花受暖冬影響大幅延遲開花, 更比上一年度櫻花期足足遲左成個星期), 真係可惜.  連會場內既小食店也是冷清清的.  就係人唔多, 所以行呢個舞鶴公園係幾舒服, 而且仲有間Starbucks係過湖邊, 可以坐底飲返杯咖啡.  既然來到日本, 又點少得去Starbucks潮聖一下, 睇下有咩今期流行先, 發現有Mini版Starbucks.  見佢counter有擺advertisement, 原來係布丁, 買左兩個口味, 試左覺得唔錯, 個杯仲可以留返紀念呢!! 行完公園都係時候食Dinner, 今晚去"焼肉の牛太-本陣"食和牛燒肉, 價錢唔太貴但好味.  最鍾意佢有一串串既串燒自己可以慢慢燒.

今次來九州玩都係一個快閃遊36小時, 自己鍾意隨心地遊, 抱著沒有期望地玩係最開心的.  下一站將會係大阪.

👋 請繼續留意更精彩既櫻花之旅, 下篇會講.  想睇返今次👉【西日本淡路山陽8日遊】行程規劃