Welcome to Ishiha Wanderlust

吃完早餐之後, 就要離開呢間咁靚的B&B. 係度住了兩晚真係好Enjoy. 伯伯仲介紹我地去市集, 最好泊車的地方就係Théâtre National de Nice.

舊城區（Vieux Nice）花果市集位於尼斯舊城區的撒雷亞大道 Le COURS SALEYA, 星期二~星期日均有花市攤擋, 星期一則為古董市集. 不過未行到心臟地帶, 已經見到一間好出名的雪糕店 " Fenocchio". 雪糕款式多到有成百款,有時太多選擇真係唔識揀呢?!

忍唔住都要食番杯先走!! 我自己叫左3 Scoops 與吉少share.

雪糕店隔離有間教堂, 我地入左去行左個圈就出來啦!!

市集入面有好多攤擋, 真係超級多人, 連B&B伯伯都叮囑我地行的時候要小心.

除了新鮮的花果蔬菜, 以及普羅旺斯特有的香料之外

仲有各種香皂、精油、橄欖油等商品. 五花八門應有盡有.

市集附近都有幾間餐廳, 見到法國人一早已經同朋友傾野飲野!! 真係嘆~~

行完市集再上城堡花園

城堡（Le Parc du Chateau）位於港口左方小山丘之上，可以步行, 亦可搭收費電梯到達. 1706年城堡未被Berwick公爵毀壞之前, 它一直肩負著保護尼斯古城的責任, 今天只剩下它的遺跡. 城堡位置可以眺望舊市集. 每間屋都係紅橙色的屋頂好sharp呢!!

整個天使灣景色好靘, 特別係陽光普照的日子, 海水也特別清藍.

望向海邊好多人在曬太陽, 當然唔少人係度天體日光浴啦!

半山腰有個美術館不用錢的當然要進去一下, 裡面有展出尼斯當地的藝術家作品. 山頂有個大公園, 有好多小朋友玩的遊樂設施.

離開尼斯前, 都係要行多次天使彎先捨得走, 真係好靚呢!! 中午時份沙灘上的人更多.

駕車去下一站: Cannes

摩納哥地處法國南部, 除了靠地中海的南部海岸線之外, 全境北、西、東三面皆由法國包圍. 主要是由摩納哥舊城和隨後建立起來的週遭地區組成. 作為世界上人口最稠密的國家之一, 摩納哥也是一個典型的微型國家.

從Eze開車過來, 短短30分鐘, 就可以感受到這裡有幾多有$$人啦!! 因為摩納哥有F1的賽車道, 且賽車道就是城市的街道呢!! 所以到處都見到名車!! 罕見名貴車更多的是. 加上名店臨立. 地少人多, 若週末過來, 停車場也不容易找. 賭場附近有幾個停車場, 第一個小時是免費泊車的.

整個蒙地卡羅最華麗的建築物絕對是大賭場, 賭場外有修剪工整的美麗草皮和花圃. 至於賭場裡面的世界, 我地都有入去感受下！入去賭場必先要放低相機大袋於大門旁的衣帽間. 這個華麗的賭場, 於1878年興建, 百多年來華麗不減.

賭場後方係一個小公園

一路行見到整個海岸線, 而且摩納哥與南法比較, 這裡有好多高樓大廈, 而且大多建於山上.

其實我自己覺得有少少似香港!!

豪宅大部份起得高, 而且依山而建. 不過這裡唔會好似香港咁起樓起到過曬龍.

雖然有少少密密麻麻, 但空氣清新好多啦!!

水質真係好好, 清到可以見底

摩納哥港口(Port de Monaco)泊的全是高級遊艇, 這就是摩納哥財富的象徵!

行完呢部份, 去停車場取車往摩納哥親王宮, 因為地處高, 又有好大個瞭望台.

如果想睇整個摩納哥的景色, 去親王宮就可以睇得好清楚.

我地當日駕車去的時候, 因為封左整段上山的路, 所以冇緣去啦!!

唯有返回尼斯算了.

點知一路上誤信車上內置的GPS

吉少好放心地一手將帶來的tomtom放車尾箱

結果係Monaco返回Nice那段路上不停迷路. 仲要無啦啦上左Highway.

由原本35分鐘的車程變左1.5小時. 我真係從來未試過駕車咁....咁...咁迷茫!!

冇諗過全程路冇一個可以停車睇路的機會

最後, 我地係roundabout側停低

以高速落車取回車尾箱內的tomtom, 真係極度危險!!

所以如果去法國自駕,真係要有自己的準備, 唔好信哂租車公司的GPS.

返到B&B定定神之後, 就出左去Old port食dinner.

由B&B行落去都好近, 20分鐘左右就行到落去

剛好來的時候是黃昏, 所以我地決定行一陣先去食dinner

黃昏來行英國人步道真係好靚

原本想上去展望台, 不過一入夜就好黑, 唯有轉移去找食晚餐的地方.

雖然今次行程唔會去馬賽, 不過係蔚藍海岸地區, 入鄉隨俗都要叫個魚湯試試.

馬賽魚湯吃的時候先拿幾片烤過的硬硬麵包, 用生大蒜塗在麵包上, 再抹上一層普羅旺斯沙律醬, 之後再灑上cheese, 將幾片像這樣處理過的麵包泡入濃湯中, 以湯匙舀著吃.

吉少話好好味!! 其實呢個湯飲完已經好飽, 我地仲叫左個main course呢!!

而我點了Smoke Salmon Appetizer,味道唔錯

不過我唔太鍾意食呢個Gnocchi with Oxtail Ragù, 我覺得咸左D

吉少的main course: Grilled salmon, 好味!! Salmon烤得剛好

最後食埋Dessert, 係法國當然要試下Crème brûlée, 而吉少就點了Lime Sorbet, 大滿足呢!!

吃了一個完美的早餐之後, 便出發去取車. 由B&B行5分鐘左右到達另一個巴士站, 坐車往市中心Galeries Lafayette.

市中心真係好熱鬧, 馬塞納廣場附近有好多酒店及商店食肆.

問過B&B伯伯, 佢話落車沿Promenade Des Anglais[英國人步道] 一路行便會見到Hotel Le Méridien. 那裡便有SIXT租車公司. 英國人步道全長約5公里, 是19世紀初當地英國僑民募款修建而成. 因為南法地處地中海型氣候, 擁有美麗的沙灘及藍色海岸, 向來是歐洲人渡假的首選. 由Promenade Des Anglais一路行見到好靚的沙灘.

天氣好好, 來沙灘上曬太陽的人也不少. 這裡的沙灘是"石灘", 不似香港那樣全是沙灘.

今次揀左SIXT租了五天, 最平CDAR的Renault Mégane or Similar加保險都係$3800, 唔算貴. 如果識駕Manual車的話, 價格仲可以更平. 不過呢個價錢就未包特別費用 e.g: 甲地租車乙地還車的one way surcharge, GPS...etc. 因為我地會於Nice租車, Avignon TGV還車便加了EUR$75. 去停車場取車發現upgrade左我地架車, 真係開心. 而且係diesel車, 油會平d.