Welcome to Ishiha Wanderlust

每年指定動作必遊一轉曼谷Bangkok.   今次4日快閃之旅只有我同一個Friend去, 所以係超簡單.突然間想去就買好機票出發, 沒有既定行程, 只係出發前簡單安排好兩次massage, 同埋要走一轉JJ market買野.

以下既相全部都係用Iphone影, 所以quality一般.   Hea遊開始.....

今次住宿方面係BTS對出既Renaissance Bangkok Chitlom, 之前住過覺得唔錯, 而且比較新.  起初都有諗住係Terminal 21, 價錢仲比Renaissance平, 不過住開Chitlom附近有情意結, 唔理咁多就book左啦!!

一落機settle好就趕去做Spa, 又係去開我鍾意既Lavana bangkok,  無論手勢服務都好好而且價位平實.  呢間Spa大大話話都幫襯左10年.  今次去仲有少少promotion呢!! 如果有興趣可以出發前睇下有冇promotion, 最抵係做一個2 hour massage送1 hour facial/scrub treatment (只係0900-1300).   由落機到做完spa都未好好食過一餐呢!!  係咁肚餓既時候, 佢地跟左個light dinner比我地, 係咪好貼心呢!!  唔知係咪肚餓, 食呢個light dinner總係覺得好好味.

雖然食左個light dinner,但都未能填滿我地既五臟六腑.  經過BTS見到奶茶店又走左去買杯飲, 呢間奶茶咖啡店係曼谷都好出名.   主打茶底香而且味濃, 可以order少奶/多奶/少甜.  始終泰國人愛甜, 所以唔order少甜既話, 真係會甜到震.   如果唔飲開濃茶既朋友, 可能未必接受到.

夜晚去左水門食雞飯.  水門雞飯簡直係每次去上年去Bangkok必食.  當中有兩間較為人熟悉, 一間係店員全部穿上綠色制服, 另一間係粉紅色制服.  呢個記號易認過店名.  不過上年去既時候已經覺得粉紅衫雞飯檔冇以前咁好食啦, 所以今次去返綠色制服那間.  水準依然keep到, 特別鍾意雞同飯既比例好好, 唔會話飯多雞少既情況出現.

食完雞飯行左門口有檔芒果糯米飯好正!! 芒果糯米飯有分大同細兩個size賣, 大既100b, 細既60b.   我地買了一盒大既返酒店繼續食.   芒果好香好甜, 糯米飯軟綿適中.  加上椰奶超好味!! 大滿足既第一天.

好寧靜好舒服, 影左幾張相後就去本吉屋吃鰻魚飯.
晚上去左屋台行下.  來到福岡中洲一帶, 如果冇來品嚐一下屋台美食, 感受一下日本上班族下班後既喝酒去處, 就好似無來過中洲一樣.
講開美食, 福岡係一個著名既美食天堂.  既然安全來到福岡玩, 就要食盡d😋.  九州地區產「佐賀牛」與「松阪牛」「神戶牛」齊名, 來到就要食返餐燒肉先對得住自己啦😁!!

今次去食既呢間燒店多牛, 係福岡地區極受歡迎燒肉店, 見tabelog評價高, 而且位置方便, 而且仲係以炭火燒肉, 一於排隊試下.  一排就真係排左好耐,

睇完河內紫藤, 再到今次行程另一重點: 就係去士多啤梨園食放題.   去得九州不得不提「甜王」吧.  甜王又紅又大且鮮甜味美, 係日本國內屬非常有名的品種. 而福岡就係「甜王」的產地, 培植「甜王」的就只有福岡縣.   今次就駕駛路線, 到了 らいおん果実園吃過痛快.  士多啤梨園門口右邊有免費泊車.
成人放題任食一個小時都係1600 yen.  唔參加放題只摘走都係100g 200 yen.  因為吉少唔太愛🍓, 所以佢只摘唔食.  比左錢之後, 職員便帶我地入去士多啤梨園.   入面都幾大, 不過佢只帶左我地去2號園.
らいおん果実園內有6大種士多啤梨種植.  我簡單介紹一下:
🍓甜王 あまおう - 福岡種植的獨特品種, 大粒飽滿既果肉以及高甜度乃其特色, 故取日語中「あかい(紅色)・まるい(圓潤)・おおきい(大顆)・うまい(甘甜)」的字首而命名為『あまおう (意譯為甜王)』.
🍓紅臉頰 紅ほっぺ - 靜岡的代表品種, 果實較大, 具有較強的香味與適度的酸味, 與甜王同樣大受歡迎.
🍓章姬 あきひめ - 靜岡原產的品種, 果實較大較長, 高甜度低酸味, 果肉較柔軟.
🍓栃乙女 とちおとめ - 「女峰」與「とよのか」的交配種, 果實較大且鮮紅, 甜味較強, 係日本產量第一的品種,  平時係超市都成日見呢個品種.
🍓 やよいひめ -  群馬品種, 較大的果實, 高甜味低酸味.
🍓 らいおんいちご - 自家品種, 沒有外銷.
我個人最鍾意甜王, 紅臉頰同埋栃乙女.  不過食食下都唔理自己食左邊隻啦!! 場內仲見到超大粒既🍓, 又甜又好味.
臨走前到了cashier埋單, 這籃士多啤梨大概1300 yen左右.   又食又摘真開心.  不過上到車, 吉少已急不及待開始自己食士多啤梨.  一路駕車冇望佢, 原來佢已經不知不覺食左半盒, 仲同我講好香好甜好味.  估唔到唔太鍾意食🍓既吉少都消左半盒, 大家就可以知道福岡產既🍓係幾好食!! 去九州玩唔好錯過呀!!

呢個らいおん果実園仲有個手做果醬及Pancake體驗工房

呢條Link介紹比大家, 有更加多士多啤梨園既資料
http://www.rurubu.com/season/winter/ichigo/list.aspx?ac=6

Happy New Year!! 祝大家2017年繼續遊山玩水, 身體健康!!  呢篇blog停左成個幾月, 今日終於可以面世啦!! 其實2016年去左九州鳥取, 泰國, 英國, 法國, 東京幾個地方, 而家先寫緊第一個, 希望新一年我可以努力完成未完既blog先.

上一回講到我去玩廣島既宮島之後, 晚上就搭新幹線到北九州啦!! 為左明天一早去河內藤園賞紫藤. 之前用goolge map做路線圖時, 考慮住係黑崎/小倉.  對比過之後, 住小倉會方便好多.  因為我係宮島有直達新幹線到小倉, 唔駛再轉來轉去.  加上小倉又有旦過市場, 所以吸引度高好多. 第二日一早取車, 可以揸車30分鐘便到河內藤園, 非常方便.
本來好想去一去旦過市場食過海鮮早餐, 平日都要0900先開.  而我要爭取時間早點上去河內藤園, 所以係中央銀座商店街找了間cafe食完就去取車啦!  今次係Avis租車一日只係4550💴 .  架車唔算新, 不過揸一日無所謂.
今次要去河內藤園都做左好多準備, 最主要係今年改左買票機制, 睇左自己想要既日期同時間去便利店買票, 而且係以先到先得既預售形式發售.  以往幾年就係冇做好人流管制, 所以迫上山既人太多, 導致大塞車.   詳情請參考河内藤園官方網站： http://kawachi-fujien.com 或者可以睇 福岡縣香港事務所公佈詳情.  以下係上年買票既資料:

 [需事前購票的入場期間] 2016年4月23日 – 5月8日
 [便利店票開始發售日子] 2016年3月15日
 [發售的日本便利店] 7-ELEVEN、Family Mart、CIRCLE K、SUNKUS （LAWSON和MINISTOP的發售日子未定）
 [便利店票價錢] 500日元
※入場費會因開花狀況而有變動, 便利店票和入場費的差額（500/1000日元）將在入場時透過現金收費
 [便利店票概要]指定了入園日和入園時間（2小時）


河內藤園售票時剛好有位朋友係日本, 佢地幫我買好票, 所以我未出發已經極興奮, 但唔好彩係出發前遇著阿蘇火山爆發. 改哂大部份行程.  不過我最終都冇放棄去河内藤園.  因為實在太震撼, 我都唔多講啦!  睇相吧!










當日入場費要補差價1000 YEN, 即係滿開啦!! 😍見到條紫藤隧道真係不得了, 真係靚到無法形容.  人雖多, 但無法影響我既心情.

整個河內藤園分左幾個部份, 兩條紫藤隧道, 一個大藤棚, 另外有兩個小藤棚.    一入場個個都留係第一條紫藤隧道不停影相, 特別係影廣告相既位置, 有時都無法只影自己唔影人.  如果只想影人, 其實可以揀第二條紫藤隧道影, 出來效果都唔錯.   最尾放多張Panoramas先.