二人冬至

下午9:56:00 Ishiha 0 Comments

昨日冬至，只有我同小吉子兩個開開心心地度過。
***********************************************************************************************
前天我同MM講電話:

我: MM，今年做唔做節呀!!

MM: 今年我同PP兩個要同劉德華一起度過冬至，你地自己食啦!!

我: 咁好啦!!
MM: 佢地(指我家細佬妹)話上星期日飲茶就當做左節啦!!
我: 收到!!
MM: 咁你點? 你想食飯呀?
我: 唔係，咁我同小吉子兩個自己做囉!!
MM: 下? 咁慘呀!! 不如你過來一起去紅館附近食吧!!

我: 唔好啦!! 咁多人，又要同人迫。我地兩個自己食自己啦!! BYE!!

***********************************************************************************************

跟住我問小吉子6299有冇打過來呀? 不如我打去問下佢地點啦!!

我: 99，你打算邊日做節呀?
99: 上次做左啦!! 不過唔記得叫你地呀!! (係我去完Trip之後兩日)
我: 呵.....!
99: 咁你地想食咪做啦!! 你地得唔得閒呀?

我: 下?? {即問小吉子點算? 佢話我做左d多餘0野!!}

我: 咁我比個電話比小吉子同你講啦!!

99: 好!!

小吉子: 12345abcdef......then 收線!!
***********************************************************************************************
就係因為這樣，我與小吉子兩人度過今年既冬至
起初沒有打算去吃什麼，不過我倆突然很想去吃上海菜

所以便到了小南國吃晚飯。

點了冬至不可缺既雞

很愛吃既百葉卷

本來點了蟹粉小籠包，點知吃了一口，卻是普通版。

最後來窩小丸子，冬至Must Eat Item。

雖然只有我地兩個，但也很開心。

小吉子跟我說：祝我地兩個開開心心！！

YEAH!! 好期待我的聖誕大餐呢~~唔知今年去邊度食呢?!

0 意見:

{出埃及記} 起程

下午3:09:00 Ishiha 0 Comments

呢排埃及反政府示威持續，當地發生連串爆炸，情況十分危險。香港政府仲發出旅遊黑色警告。我真係覺得自己好好彩，可以係12月時，去左一個多星期，安全又玩得好開心。

4 DEC

今日坐下午18:55機由香港到泰國曼谷再轉飛開羅，不過今次係曼谷轉機可以落去機場行下。通常係曼谷轉機既同班航空公司，就要屈係機倉停一個鐘，冇得落去鬆一鬆。但我地係曼谷轉另一航空公司－EgyptAir，所以我同朋友超級happy，有兩個多小時係曼谷機場SHOPPING。

我地兩個係曼谷機場買到停唔到手，仲最後一刻先上機。係臨上機前，我地當然去必買既芒果糯米飯上機吃。

坐了10個小時機終於達了開羅，天還未光，當地時間是早上5:30，一落機唔係去梳洗，而係第一時間係銀行唱＄。呢疊$真係好大疊，只因全部唱哂10元大紙。

第一站唔係去景點，而係去左一間酒店內梳洗，搭左成日飛機都要整理下先。之後就去左第一個景點：梯形金字塔

以前起金字塔的人,是否這樣工作呢??

影影下相，有個當地人走埋你，要求同我影相，佢仲拎左我頂帽同佢交換帶，呢Ｄ都係佢地既賺＄＄技倆，同係印度時差唔多，都係一影相就要收你＄＄。不過我有之前既經驗，打死都唔比，仲要叫佢走開，我唔想同佢影相呢！！係佢既死纏爛打唔收＄下，我都同佢影左張相先肯走。

其實梯形金字塔旁有好多大小不一既金字塔，當然好多都已經變哂形，不過都有D幾完整。

0 意見:

Flying Mode

下午3:08:00 Ishiha 0 Comments

亂中有序的開羅Cairo ‧地中海度假勝地－亞歷山卓Alexsander ‧最具價值的古城－樂蜀 ‧參觀尼羅河沿岸神廟 ~~ 我來啦!! 呢個旅行係我上年已經例入為今年度既To Go List!!

今晚我便會啟程到呢個神秘的古老國度埃及Egypt玩10日，留返小吉子一個人係HK。暫時冇人接手幫我寫希臘之遊既blog(話哂係週年旅行，實在太多0野要blog啦)，等我返來再寫吧~

0 意見:

[希臘‧愛琴海] 最後的雅典

下午6:33:00 Ishiha 0 Comments

9 OCT

今日係最後一日係雅典了，玩多幾個鐘，我同小吉子便要起程返香港，結束今次Paper Anniversary之旅，真係唔捨得呢！！不過唔知係咪經過昨日一整天既疲勞轟炸Meteora之後，今日遊雅典也特別順利，順利到連所有入場卷都唔駛比!!

今日天氣真係好，我地第一站先去雅典衛城。不過我地好傻，明明見住個衛城，但係就找唔到門口，因為我地去了另一邊入口呢！！沿路又沒有牌，行到咁上下，我地見到呢度有點似，其實是風塔，就入去問下管理員點上去，原來隔離有條小路一直往上走便到了另一入口。

去到入口，諗住比＄買飛，點知個售票員同我地講：FREE 有冇聽錯呀?! 平時入去係要放低EUR$12/ppl，今日一蚊都唔駛咁得意? 既然係FREE，就無謂再停留，快Ｄ行上去睇下先。　

睇地圖發現我地去左North Slope of the Acropolis. 由山望返下面景色真係好靚，一望無際。

仲見到好完整既圖書館呢!

再行上去便是阿迪庫斯音樂廳（Odeon of Herodes Atticus），當日都唔算日頭湧湧，但遇著一班強國人，等了又等都影唔到相。唯有走上ｄ走高ｄ避了他們影了幾張。

係Acropolis望落去仲會見到宙斯神殿

巴特農神殿

雅典娜神殿, 真係破壞得好緊要

隨處見到好多大石塊, 石柱

保存得比較好的艾雷克提歐神殿

好彩我地早到, 一出返前門, 便有好多旅行團剛到, 到處也是人呢!

我們由布雷艾門出

參觀完衛城之後, 我們便坐地鐵到機場。衛城地鐵內也有古城舊址

起飛返香港見到好靚好藍既海琴海

0 意見:

[希臘‧愛琴海] Meteora*Agios Stefanos

下午10:42:00 Ishiha 0 Comments

最後, 我地就來到另一間女修院Agios Stefanos (St. Stephen).
山上最高那間就係啦!!

這間好像比較細. 行了一會就走了

由Agios Stefanos望回市區既景色

咁樣走馬看花其實冇咩意思, 因為講真間間修道院都係差不多的東西(當然唔計Grand Meteora). 都係有d手抄本, 宗教物品展出.

間間都是有小賣部賺少少外快.

今日天空之城之旅全部完結,

最後司機車返我地去返火車站. 我地買好了17:36火車票!!

見有少少時間, 我們走了不遠的supermarket買了少少飲品.

為了趕上時間去天空之城, 我們今天還未吃午餐呢!!上到車, 已急不及待吃小食.

返到去athens已經是晚上11點, 立即找地方醫肚. 點了沙律及gyros.

後感: 宗教壁畫我亦唔知邊個打邊個. 所以我強烈建議買本叫Meteora Itinerary的書. 任何一間修道院的小賣部都買到. 入面有詳細介紹每間的壁畫/展品內容highlight, 建築方法同埋佢o既歷史淵源. 唔會"哦哦哦"完就水過鴨背. 講起小賣部, 修道院的小賣部好多野都係"山上"exclusive(包括上面所講的書), 莫講話雅典, 甚至kalambaka都冇得賣. 我地就買左少少擺設咁啦! 雖然我冇宗教信仰, 不過響呢度確實感受到宗教的偉大, 每間修道院都唔係話鄉村廟仔的size. 起碼都有成間小學咁大, 就咁起響一舊光禿禿的花崗岩上面. 我根本想像唔到起o既人要流幾多血汗先攪得掂. 如果唔係有一般近乎不能理解的決心, 今日我一定冇得見到呢d咁震憾的奇景