到了小王子博物館也沒有太多人, 因為當日都算凍, 又沒有太陽.  而我同G小姐既心情也受到天氣影響, 有少少悶悶不樂~~我們兩個人一直往內園走, 行到便影幾張相算了.  

因為天氣凍, 我地見到介紹小王子生平既小電影在播放 (日文only), 入去看看之如, 順便避避冷.
其實我地覺得小王子博物館不算吸引(unless u are le petit prince fans), 所以行左大半個鐘已經行哂.
最後係箱根半日，我同Ｇ小姐選擇到outlet血拼呢!! 小王子博物館出面巴士站有車直接可以去到御殿場。　不過車程就比較耐，要坐４５分鐘先到呢!! 血拼期間，行到倦，也要來個小休。　我同G小姐始終念念不忘好味既sushi，用上個半鐘等位吃迴轉壽司!! 這間迴轉壽司sell 新鮮之外，竟然想不到也sell 埋科技。

坐底後，職員嬸嬸介紹比我地知點樣用電腦自己落order，好好人地教了我，同埋話如果唔識可以再問佢。其實好易用，只要一指神功就搞掂！（肚餓嗎，當然好快落完單等食啦）

起初我估會有職員遞上order既食物到我地面前，原來發覺唔係，我地等左一陣，突然聽到響鐘聲。就發現輸送帶上有我地order既壽司。

真係快靚正又有諗頭!!　呢個科技除左可以減少人手送上食物給客人之外，起碼忙起上來客人唔駛得個等字都未有０野食，食物質素唔會遊一輪先去到你面前而所到影響

起初我認為那個鐘係不會不停叫你＂取食物＂，我仲專登唔拎起睇下佢會唔會再響鐘，結果係＂會＂!! haha。今日吃壽司食得特別有趣，而且見到日本人好用心既服務。超讚!!　壽司當然沒有築地咁好味，不過都算新鮮。　

食飽飽後，找嬸嬸埋單，見嬸嬸唔駛睇碟，只用一個好細既SCANNER係碟邊掃一掃，就比張卡仔我到cashier埋單。　

我好奇之下，睇下ｄ碟有咩特別，原來每隻碟底係特別構造，有一藍一白顏色，我相信barcode藏了碟底，到cashier比放張卡仔係讀卡機面，自動有價錢show出來.  雖然我都有成日到壽司店幫襯，但好少見到有咁多installation!! 我同Ｇ小姐又見識多左，超讚!　

outlet真係大到行唔哂，我只係重點行左少部份shops，而且見到made in china永不考慮，基於我既堅持，收獲只是一般吧了!!  其間我就又C9上身，睇下家庭用品，仲比我係franc franc買左個好抵好用既茶壺

行到LUMINA時候，見到呢間ＳＡＬＵＴ好吸引，又入去買左套絲質窗簾，好靚!! 行下不經不覺又到LUNCH時間，到了最頂層 THE　PREMIUM 新宿丸井本館 （ザプレミアム）開餐。
 呢間一睇已經，仲好多日本人排隊等候呢!!　今次同昨日那餐一樣，主題係Dessert buffet + italian food。　唔係等左好耐就有位啦!（畢竟已經兩點啦) 出去揀食物時，真係開心就暈。因為比昨日那間更加有水準，環境更trendy。加上食物種類好多，唔係只係得幾件pizza & 一兩款pasta你揀，仲有好多日式食物。都只係1699YEN，加埋任飲，都係1900YEN. 抵!!
食飽後，便到toilet visit!! 點知個toilet靚到唔似toilet!! 你睇下左邊那張相，仲有個小花園&水池係個toilet入面。而每個洗水盤都有一個吹風機，太犀利啦!! 如果香港學到一半就好啦!! 真係好佩服日本人既設計心思。而我也有幫襯下兩層toilet，發現design唔同，不過都係以綠色室內為題。
 

 source: http://www.hakonenavi.jp/tanbou/waribiki/hakonefree.html

當初我選址到小田原城址公園欣賞櫻花，原因係好近JR站，行10分鐘便到了。若由正門走入公園，會經過一條直路，兩旁種有好多櫻花樹。

看過櫻花後，便找東西吃。因為車程短，我同G小姐還沒有吃過早餐呢!! 不過原來由正門往JR方面一路走，舉頭一望，除左有個好藍既天空之外，大家還會看到好多得意既汽球飄搖，原來為慶祝櫻花祭開花的佈置，好靚。　雖然我是早了點看櫻花（因為小田原開花時間應是３月尾－４月初，不過就這樣看著天空既櫻花，我也感到開心滿足。

到了JR站附近既橫街找食，其間看見一間北海道拉麵～小林屋，想也不想便入了去。因為實在太餓呢!!

買order時見到店內promotion, 只要叫味增豚骨拉麵加100YEN便有一客餃子。 我同G小姐各自叫了一碗拉麵+一碟餃子share吃。麵未到，我同Ｇ小姐見到廚師切叉燒，但心諗冇理由會切到咁厚。
點知當拉麵送到面前，我同Ｇ小姐不禁驚訝！！我地從來沒看過拉麵的叉燒肉像好似唔駛錢的，會給客人一大塊。試了一口湯，不錯呵，湯頭不算太濃，剛剛好。再試埋麵條，感覺夠Q。　而且份量大到成座出那裡，我相信我兩幾肚餓都好，也未必吃得下全碗拉麵。餃子皮薄酥脆，味道不錯。



吃飽後，便乘坐登山電車到雕刻之森站，車程差不多要一小時呢!! 雖說電車，但係行得幾慢速，仲要係單線雙向行車，所以車程比較耐。到了雕刻之森站，行５分鐘便到。　雖說是星期五，當日都唔算太多遊客。不錯！

最後我與G小姐坐巴士返回酒店。今次我所揀既溫泉酒店：品の木一の湯  ， 位置仙石原，地點方便之外，一落巴士就到，而且又近玻璃之森及小王子館。講起價錢相當吸引，每人一晚兩食只不過是8000 YEN。 超抵!! 因為我當時book呢間湯屋係一日只限一間既特別優惠。平時都唔貴, 每人13000yen一晚左右!! 當然有特價就更加鍾意啦~~hahaha
大家下次去日本，可以到到http://www.jalan.net seach & reverse酒店，簡單易用，而且可以一次過search到邊間酒店有空室& promotional offer。我每次去日本都係用呢個website reserve酒店，唔駛怕找唔到地方住，因為某幾間香港人好鍾意book既連鎖酒店，要好幾個月前reserve先有位。

講返間酒店，房間面積不算小，而且房內清潔，最窩心的是一入到屋已看到桌上準備好小點心給客人呢!! 雖然小點心給你試食後，客人覺得好味的，便可以到樓下買來當手信。起碼客人會加少少印象分。