又大一歲

下午3:57:00 Ishiha 0 Comments

剛過完半週年紀念，又到我地兩個既生日啦!!
起身後不久，已經吃過早餐，又開始我地今日既美食之旅
未開始食之前，其實我地兩個去左周圍行
平時來馬交，好少會到媽閣一遊，所以今次就揀左係我地生日行一轉
見到媽閣廟出面外牆畫左好多公仔都幾得意既。其中一個仲係要＂奉公守法＂呢！　當時我就同小吉子講呢個真係好fit佢呢，記住要係屋企及放工後都要＂奉公守法＂呀！　ｈａｈａ～～
 行到去港務署，一個人都冇，我地又玩下，無聊影影
 
因為唔想同平時去馬交食既０野一樣，所以去之前睇左Mrs. So to be >> Mrs. So既blog內介紹，試左呢間 PIZZERIA TOSCANA 比薩薄餅店
店內裝修唔錯
 一坐底waiter已經拎了籃自家製麵包，好好味呢!!
  我同小吉子不停的吃。
唔知係咪好早既原故，成間餐廳都只有我地兩個開餐。　因為依然幾飽既情況下，我地只點了兩款食物。　pizza精小吉子覺得呢度pizza好好味，而且用料講究。　
 
另外再點了Grilled pork chop，豬扒Grilled得剛好，唔係話太乾。 
雖然食到好飽，但係must eat list 仲有一間未去試呢!! 就係 南屏雅敘，點了南屏文冶，好厚。食落去有驚喜，原來咬落係咁JUICY。shocked而且蛋味好重，仲好味過牛奶公司出品呢。下次黎必定再試埋叉蛋治。　
 至於沙翁，小吉子話好一般，沒有太大驚喜。
食完便到了附近既十六浦。原本小吉子叫我Book呢間住，但我買package時佢話有埋MJ Cocktail party，一聽完我就有少少嚇窒，最後冇book呢度。不過我地都有去睇睇MJ Gallery。 再上埋去mistral 睇下個景都幾靚。
不過我地兩個見到有位食tea，都已經投哂降!! 基於我地再食唔落任何食物，所以決定提早返香港Pack行李準備明天日本之旅。點知我地兩個好飽，都係要去消耗下，仲走去做好耐冇做既運動-->唱K。

生日超額慶祝完成!! 多謝小吉子特地請假陪我過左一個咁開心既生日!

0 意見:

訂閱： 發佈留言 (Atom)
Related Posts Plugin for WordPress, Blogger...