【芝櫻✤櫻花】5月北海道の9天賞櫻自駕之旅富良野森林精靈的陽台(Ninguru Terrace）森の時計上富良野大地の宿じょう舎

下午11:01:00 Ishiha 12 Comments

Photo of the day

由靜內駕車到富良野要差唔多3個小時, 沿路都見到好多櫻花樹.

其間經過日高神社, 見到好多櫻花, 我地又落車影左幾張相.

自駕既好處就係見到靚既地方, 順度可以停落來, 仲可以睇埋櫻花呢!!

呢個神社, 人影都唔多個, 可以好好欣賞這裡既寧靜及滿山既櫻花樹

駕車先到了森林精靈的陽台（Ninguru Terrace）, 這個位於新富良野王子酒店旁的Ninguru Terrace, 內裡像森林. 係森林中散步的同時, 可以參觀林間25間細小既木屋. 小木屋賣的是獨特的手工製品, 而且還有咖啡店.

我地下午時份到達森林精靈陽台, 隨便揀了間Coffee House吃了個小點先再行下其他小木屋

從入口一路行, 會行到盡頭再落石級, 就會見到森の時計. 森の時計係一座擁抱著森林的咖啡館

屋外有座位有16席, 屋內座位則有31席, 其中最高人氣的吧檯只有珍貴的9席. 而我地好好彩被安排坐於吧檯上. 望著出面既翠綠園林, 看見咖啡師細心地沖每一杯咖啡, 真係一件賞心樂事.

我地點了每人一杯咖啡, 之後咖啡師會給你一個磨豆器 (只限坐吧檯既客人), 可以自己磨咖啡豆. 磨好的咖啡豆, 會裝在一個容器內讓客人聞咖啡香.

森の時計蛋糕有三款, 象徵三種唔同階段的雪景: 分別係First Snow、Real Snow & Melting Snow. 我地揀左First Snow & Melting Snow.

好啦!! 咖啡來啦!! 聞落真係好香, 不過飲下去, 就覺得比較帶酸.

我地兩個慢慢地嘆住咖啡, 欣賞下綠柔柔既樹林景, 真係好舒服.

午後既下午茶時間完畢, 我地又繼續食啦!! 先到了 Furano Délice 菓子工房.

入到去, 真係不得了!! 排隊既人超多呢!!

雙層Cheese Cake係店內的人氣商品第二名 , 咁第一名呢? 唔講住

買左返去先揭曉

臨離開富良野之前, 我到了Popura farm

必食既蜜瓜雪糕, 我每次到訪富良野, 一定會去吃的甜品之一.

吃到飽就決定駛向今晚住既民宿大地の宿じょう舎 , 車程大約20分鐘左右. 呢間民宿我係用jalan網訂的, 喜歡佢既環境.

同屋主Say完Hi並放底行李後, 我地襯未天黑就出去影下相先.

真係好靚既環境, 見到田間既patchwork

這間民宿包了晚餐及翌日早餐. 晚餐好有住家Feel, 味道好好!!

食飯既時候, 老板會同在場既客人傾談.

晚餐還有甜品呢!!

雖然我地兩個都食到飽哂, 不過吃甜品又係另外一個胃!! 老板很好, 還幫我們於雪櫃內取出下午於Furano Délice 菓子工房買既招牌布丁. 呢個布丁蛋香好濃郁, 唔怪之得係鎮店No.1啦!!

第二日起身後見天氣好好呢, 我地吃過早餐後又出去屋外影相.

12 意見:

【芝櫻✤櫻花】5月北海道の9天賞櫻自駕之旅静内二十間道路桜並木

上午12:26:00 Ishiha 5 Comments

Photo of the day

全日本最長既櫻花走廊街道「二十間道路櫻並木」, 全長 8 km, 裁種了超過一萬棵櫻花樹. 今次去北海道剛踏正日本黃金週及櫻花季節, 住宿貴不在話下, 而且房間供應也超級緊張. 為了一賞二十間道路櫻並木, 所以我提早一晚揀選住宿於静内, 方便第二日一早去欣賞櫻花. 今早吃過豐富既日式自助早餐便起行啦!!

由静内駕車往二十間道路桜並木只需15分鐘 , 開車冇耐, 已經開始進入櫻花隧道.

沿路直駛, 真係好靚!! 見開始有人泊車, 我見有位就泊啦!! 其實我到達既時間係早上九點多, 已經見到好多車泊好. 我相信遲d來的話, 應該會塞車.

落左車, 我急不及待要影櫻花樹下啦!!

真係好多櫻花呀!! 係見唔到盡頭既櫻花樹

當日櫻花也算滿開

不過現場好大風, 所以櫻花不斷被風吹下, 真係好似落雪.

如果持續櫻吹雪, 過多幾日, 真係唔知仲有幾多櫻花睇啦!!

如果想影相避開人潮, 最好揀二十間道路桜並木既一頭一尾影相就最好, 人最少.

又再前行, 越接近會場就更加多車.

到了會場入口, 見到呢個二十間道路桜並木牌坊

會場內有好多小食攤檔, 我見到有好多以櫻花為題既小食, 一早已經沽清

最後我地都係買左串燒食下, 感受下氣氛

我地行下都唔知原來行左成2個鐘, 走既時候真係好多車.

今日好滿足, 見到咁多咁靚既櫻花!! 到二十間道路桜並唔算太難, 之前睇過資料, 知道係櫻花季節時, JR静内駅會有巴士運行, 不過就要夾返巴士時間及要有排隊既心理準備. 如果想到二十間道路桜並木的話, 自駕係會比較方便, 建議自駕要早D去. 如果唔係, 好可能會遇上大塞車或泊車位唔夠, 要等上較長既時間.

5 意見:

【芝櫻✤櫻花】5月北海道の9天賞櫻自駕之旅札幌賞櫻 Mario Kart 奧芝商店湯咖喱

上午12:00:00 Ishiha 6 Comments

Photo of the Day

櫻花真係唔等人, 之前睇過http://www.tenki.jp/sakura/expectation.html櫻花預報, 我地去既時間剛好是北海遁櫻花滿開既時候.

(source: http://www.tenki.jp/sakura/expectation.html)

北海道
城市		日本氣象協會 (3/27)		天氣地圖 (3/26)		往年		去年
城市		開花日	滿開日	開花日	滿開日	開花日	滿開日	開花日	滿開日
北海道	札幌市	4/29	5/2	4/26	5/1	5/3	5/7	5/5	5/9
北海道	稚內市	5/10	5/12	5/8	5/12	5/14	5/17	5/14	5/18
北海道	留萌市	5/4	5/7			5/9	5/13	5/9	5/13
北海道	旭川市	5/1	5/3	4/30	5/3	5/5	5/7	5/6	5/8
北海道	倶知安町	5/5	5/8			5/7	5/13	5/9	5/14
北海道	網走市	5/8	5/10	5/6	5/8	5/11	5/14	5/11	5/14
北海道	帶廣市	5/2	5/5	4/29	5/2	5/4	5/7	5/5	5/8
北海道	釧路市	5/14	5/17	5/10	5/13	5/17	5/20	5/16	5/20
北海道	根室市	5/15	5/20			5/18	5/24	5/17	5/23
北海道	室蘭市	5/2	5/6	4/29	5/4	5/6	5/11	5/7	5/11
北海道	浦河町	5/5	5/8			5/10	5/13	5/10	5/13
北海道	江差町	4/26	4/29			5/1	5/4	5/2	5/6
北海道	函館市	4/25	4/28	4/21	4/26	4/30	5/4	5/2	5/6
北海道	松前町	4/24				4/30		4/30

(source: http://www.zipangguide.net/travel/season/sakura/front.html)

不過出發前一星期, 北海道天氣和暖, 今年既櫻花早了, 還比往年早開了一個星期. 不過好好彩, 今次我去北海道會玩埋道東, 睇到櫻花既機會應該高的!! 今早未去取車前, 便於札幌市內賞櫻花. 札幌賞櫻既地方唔少, 有大通公園, 北海道神宮, 円山公園, 北海道舊道廳, 月寒公園, 中島公園等等.

我地起身吃過早餐後, 便先到円山公園及北海道神宮. 經過時計台及大通公園, 影張相就走人.

今日天氣真好

星期六關係, 円山公園內既人真的很多. 每年到櫻花期間, 才可在公園範圍內BBQ,

因而吸引不少遊人到此賞櫻. 園內的櫻花多達1500棵

好可惜上星期和暖, 公園內既櫻花數目唔算太多.

之後去埋隔鄰既北海道神宮. 北海道神宮的櫻花品種主要為蝦夷山櫻、染井吉野櫻、八重櫻等. 而北海道神宮櫻花最靚的位置, 就是一入來通往神宮的櫻花並木路. OMG!! 去到櫻花並木路, 又係唔見哂櫻花

既然去到神宮, 就入去行個圈.

見到好多強國大媽, 所以我地行完即走.

見有時間, 就去了Sapporo啤酒廠參觀

係啤酒廠出來見到Mario Kart, 個個有哂造型!! 前前後後, 我係札幌見過整隊Mario Kart兩次呢!!

最近睇雜誌仲話可以租來玩呢!!

我仲影左段片呢!! 真係好搞笑!! 而且車速唔算慢

接近下午一點, 我地去吃了Soup Curry!! 我覺得這個湯咖喱是全個札幌最好吃的, 它的名字是「奧芝商店」! 本店係住宅區, 要坐札幌市電西線9条旭山公園通停留場徒歩1分之可以到. 好好彩!! 駅前分店終於都有啦!! 就係拉麵一粒奄隔鄰. 位置超方便呢!! 不過人龍超長, 我地都等左30分鐘先入到去開餐呵.