【芝櫻✤櫻花】5月北海道の9天賞櫻自駕之旅 富良野森林精靈的陽台(Ninguru Terrace）森の時計 上富良野大地の宿じょう舎
Photo of the day
由靜內駕車到富良野要差唔多3個小時, 沿路都見到好多櫻花樹.
其間經過日高神社, 見到好多櫻花, 我地又落車影左幾張相.
自駕既好處就係見到靚既地方, 順度可以停落來, 仲可以睇埋櫻花呢!!
呢個神社, 人影都唔多個, 可以好好欣賞這裡既寧靜及滿山既櫻花樹
駕車先到了森林精靈的陽台（Ninguru Terrace）, 這個位於新富良野王子酒店旁的Ninguru Terrace, 內裡像森林. 係森林中散步的同時, 可以參觀林間25間細小既木屋. 小木屋賣的是獨特的手工製品, 而且還有咖啡店.
我地下午時份到達森林精靈陽台, 隨便揀了間Coffee House吃了個小點先再行下其他小木屋
從入口一路行, 會行到盡頭再落石級, 就會見到森の時計. 森の時計係一座擁抱著森林的咖啡館
屋外有座位有16席, 屋內座位則有31席, 其中最高人氣的吧檯只有珍貴的9席. 而我地好好彩被安排坐於吧檯上. 望著出面既翠綠園林, 看見咖啡師細心地沖每一杯咖啡, 真係一件賞心樂事.
好啦!! 咖啡來啦!! 聞落真係好香, 不過飲下去, 就覺得比較帶酸.
我地兩個慢慢地嘆住咖啡, 欣賞下綠柔柔既樹林景, 真係好舒服.
午後既下午茶時間完畢, 我地又繼續食啦!! 先到了 Furano Délice 菓子工房.
入到去, 真係不得了!! 排隊既人超多呢!!
雙層Cheese Cake係店內的人氣商品第二名 , 咁第一名呢? 唔講住
買左返去先揭曉
臨離開富良野之前, 我到了Popura farm
必食既蜜瓜雪糕, 我每次到訪富良野, 一定會去吃的甜品之一.
吃到飽就決定駛向今晚住既民宿大地の宿じょう舎 , 車程大約20分鐘左右. 呢間民宿我係用jalan網訂的, 喜歡佢既環境.
同屋主Say完Hi並放底行李後, 我地襯未天黑就出去影下相先.
真係好靚既環境, 見到田間既patchwork
這間民宿包了晚餐及翌日早餐. 晚餐好有住家Feel, 味道好好!!
食飯既時候, 老板會同在場既客人傾談.
晚餐還有甜品呢!!
雖然我地兩個都食到飽哂, 不過吃甜品又係另外一個胃!! 老板很好, 還幫我們於雪櫃內取出下午於Furano Délice 菓子工房買既招牌布丁. 呢個布丁蛋香好濃郁, 唔怪之得係鎮店No.1啦!!
第二日起身後見天氣好好呢, 我地吃過早餐後又出去屋外影相.
我上次去北海道, 無半個蜜瓜雪糕. 只有粒粒蜜瓜伴雪糕 :(
回覆刪除呢間民宿環境同食物都唔錯.
最後一張好sweet 呀!
我又好好彩, 次次都可以食到半個蜜瓜雪糕. 呢間民宿仲好抵住呢
刪除滿山既櫻花樹, 好有詩意.
回覆刪除第二日早餐食意粉????
最後一張真係好sweet
意粉真係早餐, 仲有腸仔抄蛋!! 係咁靚既環境影返張SWEET相啦!!
刪除個早餐會唔會太豐富呀？哈哈
刪除有時行程趕都未必可以準時食LUNCH, 間唔時都要食多少少....HAHA
刪除另外,我好鐘意尾三張相
回覆刪除多謝!
刪除入到Jalan 網,點樣先search到呢間民宿?冇英文名？入大地之宿search唔到
回覆刪除U can search here: http://www.jalan.net/yad379350/
刪除靜內櫻花真的好吸引。由靜內駕車到富良野, check Mapion 說要5小時。 但你只需3小時。請問走哪條路會快點？
回覆刪除我都係用gps揀最快既路程開車, 沒有特別. 可能地圖計算時間係用最低速度, 所以時間較耐.
刪除