今日一早到了凡爾賽宮, 凡爾賽宮(第四圈)距離巴黎市區約20公里, 最方便的交通方法是搭乘RER C線於終點站VERSAILLES-RIVE-GAUCHE下車, 只需三十分鐘就可以抵達.  我地都係09:30左右到達, 入場唔算多人.  也不用排隊便可入內.
凡爾賽宮主要分幾個部分：  1.凡爾賽宮殿 Chateau de Versailles ~ 這裡是凡爾賽宮的主要建築物, 也是最奢華的地方,   裡面有最有名的鏡廳、國王皇后的寢室
2.凡爾賽園林 Jardin et parc de Versailles ~ 法式園林設計的經典作品, 相當遼闊, 大到唔想行.

凡爾賽宮可免費借用語音導覽, 最好自備headphone.  吉少隨身有一對headphone, 所以比左我用.  佢自己找拎住個導覽聽.  沿著指標與導覽慢慢行, 每到一個展廳, 導覽器會自動撥放對應的說明.
凡爾賽宮內有好多畫作, 可慢慢細賞.  凡爾賽宮內最多人講&最出名的大廳就係鏡廳, 這個著名的大廳的主要特徵是17扇面向花園的玻璃窗, 每扇包含21面鏡子, 共計357面.  連Ludwig II係林德霍夫宮 Schloss Linderhof都要做一個鏡廳, 可想而知真係好靚.  鏡廳出名人多, 聽閒仲有好多小偷, 請加倍小心!!
最後係大名鼎鼎的畫作: 拿破崙一世加冕大典, 由大衛於1808~1822間複製重畫.  這幅畫有兩個版本, 第一版收藏於羅浮宮, 第二版則放在凡爾賽宮, 兩幅都是真品.  唯一的差別是拿破崙的妹妹寶琳公主的衣服, 從第一版的白色變成粉紅色
凡爾賽宮裡有LADUREE & Angelina.  Angelina 內最出名的係熱朱古力(Hot Chocolate)&白朗峰栗子塔 (Mont Blanc).  行到倦, 真係要坐下嘆嘆茶先得.

行下行下唔覺都留左係凡爾賽宮成3個小時, 都係時候走啦!! 出到門口, 真係見到一條好長的人龍, 我地真係好彩呢!!

以前為舊皇宮的羅浮宮, 建築本身就是一座藝術品.  羅浮宮原本是個展示蒙娜麗莎等文物的小型美術館.   但從19世紀開始, 由拿破崙遠征各地帶回大量的藝術品.  包含古希臘、古代埃及、古代東方、美術工藝、繪畫、雕塑等.  目前館藏約莫30萬件, 其中有3萬件在這裡展出.


羅浮宮除周二閉館外, 每天0900-1800開放, 每周三和周五晚開放至21:45.  剛好今日是星期三,所以我地下午時份先到, 行完再吃晚餐.

今日開始巴黎文化之旅, 一早到了巴黎聖母院大教堂買了Paris Museum Pass.  這張pass真係好好用, 特別係要去凡爾賽宮或要去排隊排到傻的Museum就最好啦!!  只要先做功課, 上Paris Museum Pass官網, 裡面有你要的一切資訊!  Pass可以係機場及各大景點都可以買到,  睇自己的行程,  因為有很多根本不必用到Pass(如巴士底廣場)或者不能用Pass(如巴黎歌劇院)! 所以買兩天pass基本上夠用了!

我的行程計劃去的著名景點, 包括: 羅浮宮美術館(Musée du Louvre)、凱旋門(Arc De Triomphe)、巴黎聖母院大教堂(Cathédrale Notre-Dame)、奧塞美術館(Musée d’Orsay), 以及市郊的凡爾賽宮(Château de Versailles).     這些景點全部都可以使用Paris Museum Pass.  如果單獨購買入場券, 總入場費需要€57，而一張2 day Paris Museum Pass的價錢€39, 兩日只參觀這5個景點就已經可以節省€18, 節省超過三分之一, 而且使用Paris Museum Pass又唔需要再次排隊買入場券, 有些景點更不需要排隊入場, 慳錢之餘更慳了不少時間.

聖母院(Cathédrale Notre-Dame de Paris)位於西堤島(Île de la Cité)上, 出了地鐵後, 會見到司法大廈(Palais de Justice)和巴黎古監獄(La Conciergerie), 都是雄偉又老派的建築.  跨過新橋(Pont Neuf)，就會見到聖母院.
聖母院屬哥德式建築形式, 聖母院的歷史可追溯到羅馬時代, 因此可說早在10世紀時, 聖母院就已經成為巴黎、或整個法國的宗教中心.   適逢今年為聖母院建院850周年, 所以廣場上築起了一個台及掛上慶祝語.

聖母院部份建築外觀, 因為我地早上10:00來到.  見登塔頂的人龍都幾長.  所以決定先排隊上塔.