今早要乘坐TGV由Avignon到Mont St Michel, 終於要同南法say BYE!! 坐TGV由Avignon到Mont St Michel有直接火車, 不過一日都係得一班, 即是TGD5350班車, 09:14開出, 14:55到達.  時間唔夾, 就要先去Paris停一停, 再轉較密的火車到Rennes了.
講開大部份人都係以Avignon做開始/終點站, 所以租車還車都會係Avignon TGV站.  呢個站好靚, 不過要找租車公司就有少少難度啦!!  好似我今日要還車, 就出現左少少問題.   極推薦要早D到, 同埋希望寫完呢篇BLOG可以幫到人!!

今次租車公司係Sixt, 用Google map check Place de l'Europe 84000 Avignon地址真係有d驚, 係會查到去市中心那個車站, 而唔係TGV Avignon (地址好似一樣都係 84000 Avignon).   但我明明就係揀左TGV Avignon還車, 點解會搞成咁??  一心諗住早d去, 唔理3721都要駛到去TGV還車, 最多咪同佢理論或者比$$.
我地由Avignon城中心駕車到TGV站, 幾分鐘就到.   雖然我有預多左時間, 最後我就用左20分鐘找租車公司的停車位置.   我見每個Parking zone都係要入閘, 泊錯左點算?? 所以吉少落車入去問, 仲行左好遠先找到租車公司.  點估到租車公司係哂車站出面先得?!  仲要咁遠 (睇衛星圖就知啦) 我等極都唔見吉少, 都搞到好心急, 因為時間越來越少.  於是我係外邊繞多兩圈.  終於比我見到Sixt的parking. 個signage細到唔會睇到, 仲只得一個signage.  之後係大門口見到吉少, confirm泊係P3.  呢張圖係TGV Avignon官網找, 都冇指示
所有租車公司就係呢d鐵皮屋, 之前online睇forum都知, 但估唔到招牌係要走埋去先知邊間.  可能租車比較好, 出車站後有哂指示, 但我係甲地租車乙地還車, 都未去過呢個TGV站.  又點知呢?? 係signage不足下, 找parking真的很難.