[希臘‧愛琴海] 最後的雅典

下午6:33:00 Ishiha 0 Comments

9 OCT

今日係最後一日係雅典了，玩多幾個鐘，我同小吉子便要起程返香港，結束今次Paper Anniversary之旅，真係唔捨得呢！！不過唔知係咪經過昨日一整天既疲勞轟炸Meteora之後，今日遊雅典也特別順利，順利到連所有入場卷都唔駛比!!

今日天氣真係好，我地第一站先去雅典衛城。不過我地好傻，明明見住個衛城，但係就找唔到門口，因為我地去了另一邊入口呢！！沿路又沒有牌，行到咁上下，我地見到呢度有點似，其實是風塔，就入去問下管理員點上去，原來隔離有條小路一直往上走便到了另一入口。

去到入口，諗住比＄買飛，點知個售票員同我地講：FREE 有冇聽錯呀?! 平時入去係要放低EUR$12/ppl，今日一蚊都唔駛咁得意? 既然係FREE，就無謂再停留，快Ｄ行上去睇下先。　

睇地圖發現我地去左North Slope of the Acropolis. 由山望返下面景色真係好靚，一望無際。

仲見到好完整既圖書館呢!

再行上去便是阿迪庫斯音樂廳（Odeon of Herodes Atticus），當日都唔算日頭湧湧，但遇著一班強國人，等了又等都影唔到相。唯有走上ｄ走高ｄ避了他們影了幾張。

係Acropolis望落去仲會見到宙斯神殿

巴特農神殿

雅典娜神殿, 真係破壞得好緊要

隨處見到好多大石塊, 石柱

保存得比較好的艾雷克提歐神殿

好彩我地早到, 一出返前門, 便有好多旅行團剛到, 到處也是人呢!

我們由布雷艾門出

參觀完衛城之後, 我們便坐地鐵到機場。衛城地鐵內也有古城舊址

起飛返香港見到好靚好藍既海琴海

0 意見:

[希臘‧愛琴海] Meteora*Agios Stefanos

下午10:42:00 Ishiha 0 Comments

最後, 我地就來到另一間女修院Agios Stefanos (St. Stephen).
山上最高那間就係啦!!

這間好像比較細. 行了一會就走了

由Agios Stefanos望回市區既景色

咁樣走馬看花其實冇咩意思, 因為講真間間修道院都係差不多的東西(當然唔計Grand Meteora). 都係有d手抄本, 宗教物品展出.

間間都是有小賣部賺少少外快.

今日天空之城之旅全部完結,

最後司機車返我地去返火車站. 我地買好了17:36火車票!!

見有少少時間, 我們走了不遠的supermarket買了少少飲品.

為了趕上時間去天空之城, 我們今天還未吃午餐呢!!上到車, 已急不及待吃小食.

返到去athens已經是晚上11點, 立即找地方醫肚. 點了沙律及gyros.

後感: 宗教壁畫我亦唔知邊個打邊個. 所以我強烈建議買本叫Meteora Itinerary的書. 任何一間修道院的小賣部都買到. 入面有詳細介紹每間的壁畫/展品內容highlight, 建築方法同埋佢o既歷史淵源. 唔會"哦哦哦"完就水過鴨背. 講起小賣部, 修道院的小賣部好多野都係"山上"exclusive(包括上面所講的書), 莫講話雅典, 甚至kalambaka都冇得賣. 我地就買左少少擺設咁啦! 雖然我冇宗教信仰, 不過響呢度確實感受到宗教的偉大, 每間修道院都唔係話鄉村廟仔的size. 起碼都有成間小學咁大, 就咁起響一舊光禿禿的花崗岩上面. 我根本想像唔到起o既人要流幾多血汗先攪得掂. 如果唔係有一般近乎不能理解的決心, 今日我一定冇得見到呢d咁震憾的奇景

0 意見:

[希臘‧愛琴海] Meteora*Great Meteora

下午9:56:00 Ishiha 0 Comments

參觀完Varlaam，之後立即上車到天空之城大佬Grand Meteora，佢真係好大間
一間=4間.

開放時間: 9AM-5PM (星期二休息), 寫明要穿裙先入得

Grand Meteora好有大佬風範，入口處特別大。

Great Meteora多好多壁畫，而且範圍好大幅，其中呢幅係保存得最好。

講左咁耐，都冇講過所有修道院全部都要穿長裙，連褲都唔得，要外加一條紗，就好似呢班女仔咁樣啦!! 而所有修道院係入口位置提供免費紗給遊客的。我去meteora之前仲特別買左條裙，著完唔駛帶返香港洗呢！！

Grand Meteora除左係一般修院外, 佢仲係半間展覽館。展品好多，包括：手抄本, 宗教物品, 有個canteen變左宗教畫的展覽室, 仲有一個比人睇酒窖及廚房.

還有一個睇落唔多關事的希臘抗戰展廳添.可能係講緊d納粹如何蹂躪Meteora掛. 可能因為Grand Meteora實際上似博物館多過似道院, 一般修道院的規矩響呢度都冇捉得咁緊. 臨入去教堂前係可以係門點蠟燭，見到呢個畫面, 真係好有感覺, 好靚!!

參觀時間差唔多到尾聲, 睇睇時間真係唔似留左一個半小時, 真的唔夠呢!!
我同小吉子只係隨意看看行了一圈吧了!!

由Great Meteora望出去, 景色真係一流, 可惜係天氣不好。

離開了Great Meteora上回的士, 往聖三一途中, 司機見到靚景就停低比我影相

兩間monastery: Agios nikolaos & Russanou

影呢張相，我地兩個係要爬上石先影到，的士司機仲協助我地呢！！

唔係佢介紹，我地都唔知呢個係靚景位。

之後返上的士, 司機就響聖三一(Agia Triada)修道院停低, 我地都準備出發啦....咪住! 司機話唔入得. 喂, 唔係喎, 今日唔係例假喎. 司機話我地唔夠時間去啦. 我地睇下錶.

再望一望間修道院同馬路的距離, 就知的士司機唔係想呃鐘. 因為我覺得聖三一絕對係遠離馬路最遠的一間修道院. 基本上行得到去門口, 就差不多夠時間返轉頭上車. 所以都係影下相就算. 唉, 如果唔係火車遲到...

0 意見:

[希臘‧愛琴海] Meteora*Varlaam

下午9:55:00 Ishiha 0 Comments

參觀完Russanou，之後就參觀標高600m既Varlaam，我地要開始行百幾級樓梯上呀上!!行上去也有點辛苦，樓梯幾高幾斜，有時行下仲要抖下先再行，不竟＂老＂了。

鐘樓及壁畫全出自16世紀中葉

其實每一間修道院都有個少少既博物館

展出幾百年前既用品

有些更是雕刻品

14世紀建築

果度最特別是開放了交收物資的房間，因為修道院位於石山之巔。沿山路運貨真係人都顛，所以佢地用繩綁住吊車，用繩由山下吊上黎

咁呢間房就有一個好大的木製絞盤控制d繩

呢架就係吊車

之後到了隔壁既葡萄酒庫

好巨型既酒筒

雖然已經沒有葡萄酒

不過仍然有著好濃厚既葡萄酒香呢!!

遠遠見到Great Meteora

參觀完Varlaam，又要行好多樓梯先落到去啦!

~其實呢度真係好高架~

由 Russanou望Varlaam既景色, 真係好壯觀

0 意見:

[希臘‧愛琴海] Meteora*Russanou

下午7:39:00 Ishiha 0 Comments

呢排比較忙，所以冇時間update自己個blog，仲有就係要搞4月之旅既問題。真係估唔到自己買好哂日本package/租車/溫泉酒店，諗住開開心心的去放假charge up，點知日本福島縣大地震+世紀大海嘯要取消自己既plan。雖然今次去唔到日本，係新聞上見到日本人一個都沒有搶，沒有自私既行為，真係值得大家敬佩。

因為唔知可唔可以取消，所以我打左兩日去CX+EMAIL+FAX，都沒有回應。最後係打電話接通後一個小時先有CX職員與我對話。CX開頭都話唔可以Refund，只可以reissue package，後來見日本情況嚴重，先批准total refund及取消。職員更形容佢地工作情況就好似銀行擠提，電話不停接，office counter全部都係人，所以完全唔可以spare人手去處理fax及email enquiry. 最後我同小吉子商量過決定改地方旅行relax下。

講完我上星期既非人生活，係時候好好寫埋希臘之旅。吉少之前話寫左段短短Meteora blog，我問左佢幾次，佢又答左我幾次，到今日我先打開睇佢寫好既草稿。

(小吉子編寫) 過左一陣, 我地離遠見到一坐坐高聳的石山, 目標在望真係非常興奮! 而家諗返轉頭, 其實邊有咁易搭錯火車丫, 不過火車都可以遲一個鐘先到真係神奇。